Pinnelli Ramakrishna Reddy: మాచర్ల మాజీ ఎమ్మెల్యే పిన్నెల్లి రామకృష్ణారెడ్డి అరెస్ట్

Pinnelli Ramakrishna Reddy: మాచర్ల మాజీ ఎమ్మెల్యే పిన్నెల్లి రామకృష్ణారెడ్డిని పోలీసులు అరెస్ట్ చేశారు. నరసరావుపేట ఎస్పీ ఆఫీస్ కు ఆయనను తరలించారు. ఎస్పీ ఆఫీస్ నుంచి మాచర్ల కోర్టుకు పిన్నెల్లిని తరలించే అవకాశం ఉంది. ఈవీఎంల ధ్వంసం, అడ్డుకున్నవారిపై దాడి కేసులో పిన్నెల్లి ముందస్తు బెయిల్‌ పిటిషన్లను హైకోర్టు కొట్టివేయడంతో పోలీసులు ఆయన్ను అరెస్టు చేశారు.

మాచర్ల మాజీ ఎమ్మెల్యే పిన్నెల్లి రామకృష్ణారెడ్డికి ఏపీ హైకోర్టులో ఎదురుదెబ్బ తగిలింది. పిన్నెల్లి ముందస్తు బెయిల్ పిటిషన్లను ధర్మాసనం కొట్టివేసింది. గతంలో ఇచ్చిన తీర్పును ఇవాళ డిస్మిస్ చేస్తూ హైకోర్టు ఆదేశాలు జారీ చేసింది. ఈవీఎం ధ్వంసం, ఎన్నికల సమయంలో అల్లర్ల కేసులో పిన్నెల్లిపై కేసు నమోదైంది. ఈవీఎం ధ్వంసంతో పాటు పిన్నెల్లిపై మొత్తం నాలుగు కేసులు నమోదు కాగా.. అపీల్ కు వెళ్లే అంశాన్ని పరిశీలిస్తున్నారు పిన్నెల్లి తరఫు న్యాయవాదులు.