సీఎం జగన్ పై ఎమ్మెల్యే రాపాక వరప్రసాద్ ప్రశంసల జల్లు

Rapaka Vara Prasada Rao: ఏపీ సీఎం జగన్ ఏ నిర్ణయం తీసుకున్నా సంచలనమే అన్నారు రాజోలు ఎమ్మెల్యే రాపాక వరప్రసాదరావు. రాజోలు జిల్లా పరిషత్ ఉన్నత పాఠశాల ఆవరణలో గ్రామ వాలంటీర్లు, సచివాల.య సిబ్బందికి సేవాపురస్కారాలు అందచేసిన ఎమ్మెల్యే రాపాక సీఎం జగన్ పై ప్రశంసల జల్లు కురిపించారు. దేశంలో ఏ సీఎం తీసుకోని నిర్ణయాలు జగన్మోహన్ రెడ్డి తీసుకుంటున్నారని చెప్పారు.

జిల్లాల విభజన చేయాలని ముఖ్యంగా కోనసీమ జిల్లా ఏర్పాటు చేయాలని ఎంతో మంది డిమాండ్ చేస్తూ ఆందోళనలు చేపట్టినా ఎవరూ సహసం చేయలేదన్నారు. సీఎం జగన్ జిల్లాల విభజన చేసి ఆ ఘనత దక్కించుకున్నారని రాపాక అన్నారు. సీఎం జగన్ ఏ నిర్ణయం తీసుకున్నా చరిత్రలో నిలిచిపోతుందన్నారు. అంతే కాదు దివంగత నేత వైఎస్ రాజశేఖర్ రెడ్డి తీసుకు వచ్చిన ఫీజు రీయింబర్స్ మెంట్ పథకం ద్వారా ఎంతో మంది ఇంజినీర్లు అయ్యారని చెప్పుకొచ్చారు.