నేడు ఏపీలో సినిమా టికెట్ల కమిటీ నివేదికపై తుది చర్చలు

Andhra Pradesh: ఏపీలో సినిమా టికెట్ల కమిటీ నివేదికపై నేడు తుది చర్చలు జరగనున్నాయి. నిన్న సీఎం జగన్‌తో సమావేశమైన మంత్రి పేర్నినాని, సుదీర్ఘంగా సినిమా టికెట్ల ధరలపై చర్చించారు. అయితే ఇవాళ మరోసారి ఇద్దరు భేటీ కావాలని నిర్ణయించుకున్నారు. ఈ నేపథ్యంలో సీఎం జగన్, మంత్రి పేర్నినాని మరోసారి సమావేశమయ్యే అవకాశం కన్పిస్తోంది. ఇప్పటికే ప్రాంతాలవారీగా ధరలపై కమిటీ ప్రతిపాదనలు కూడా సిద్ధం చేసినట్లు సమాచారం. ఇక రేపు సీఎం జగన్ తో చిరంజీవి, ట్రిపుల్ ఆర్‌, రాధ్యేశామ్ నిర్మాతలు సమావేశం కానున్నారు.