MLC Election: విజయనగరం స్థానిక సంస్థల కోటా ఎమ్మెల్సీ ఎన్నికకు షెడ్యూల్ విడుదల

Vizianagarm: విజయనగరం స్థానిక సంస్థల కోటా ఎమ్మెల్సీ ఎన్నికకు శనివారం షెడ్యూల్ విడుదలైంది. తక్షణమే ఎన్నికల కోడ్ అమల్లోకి వస్తుందని అధికారులు ప్రకటించారు. ఈ ఎన్నికల కోడ్ అమలు కారణంగానే ఏపీ సీఎం చంద్రబాబు పర్యటన రద్దయింది. నవంబర్ 28న విజయనగరం జిల్లా స్థానిక సంస్థల కోటా ఎమ్మెల్సీ ఎన్నిక నిర్వహించనున్నారు.

ఈ నెల 4 నుంచి 11 వరకు నామినేషన్లను స్వీకరించనున్నారు. ఈ నెల 12న నామినేషన్లను పరిశీలిస్తారు. ఈ నెల 14న నామినేషన్ల ఉపసంహరణకు చివరితేది.రఘురాజుపై అనర్హత వేటుతో ఈ ఎమ్మెల్సీ స్థానం ఖాళీ అయింది. దీంతో ఎన్నిక అనివార్యమైంది.