వివాదాస్పదమైన ద్వారక తిరుమల ఏఈవో రామాచారి మృతి

Andhra Pradesh: పశ్చిమగోదావరి జిల్లా ద్వారక తిరుమల చిన్న వెంకన్న ఆలయ ఏఈవో రామాచారి మృతి వివాదాస్పదమైంది. ఏఈవో రామాచారి తన నివాసంలో గుండెపోటుతో మరణించారు. ఆయన మరణవార్త తెలుసుకున్న ఆలయ ఉద్యోగులు ఆందోళన బాట పట్టారు. ఏఈవో మరణానికి ఆలయ ఈవో జీవీ సుబ్బారెడ్డి వేధింపులే కారణమని ఆరోపించారు. ఈవో డౌన్ డౌన్ అంటూ నినాదాలు చేశారు. స్వామివారి పాదాల మండపం వద్ద నల్లబ్యాడ్జీలు ధరించి నేలపై కూర్చొని నిరసన చేపట్టారు. రామాచారిని ఈవో వ్యక్తిగతంగా దూషించారని, అందుకే ఆయన మనస్తాపంతో చనిపోయినట్లు ఆరోపిస్తున్నారు.