TTD EO: ధర్మారెడ్డికి తాత్కాలిక టీటీడీ ఈవో బాధ్యతలు

TTD EO: ఏపీ సర్కార్ కీలక నిర్ణయం తీసుకుంది. టీటీడీ అదనపు ఈవో ధర్మారెడ్డికి తాత్కాలికంగా ఈవో బాధ్యతలు అప్పగించింది. టీటీడీ ఈవో జవహర్ రెడ్డిని ఇప్పటికే స్టేట్ కోవిడ్ కమాండ్ కంట్రోల్ సెంటర్ చైర్మన్‌గా నియమించింది. ప్రభుత్వం రాష్ట్రంలో కొవిడ్ ఉద్ధృతి ఎక్కువగా ఉండటంతో స్టేట్ కోవిడ్ కమాండ్ కంట్రోల్ సెంటర్ పూర్తి బాధ్యతలు చూడాలంటూ జవహర్ రెడ్డి ఆదేశాలు జారీ చేశారు. తాడేపల్లిలో ఉండే స్టేట్ కమాండ్ కంట్రోల్ నుంచే విధులు నిర్వహించాలని ప్రభుత్వం ఆదేశించింది. ఈ మేరకు ప్రభుత్వం జీవో జారీ చేసింది.

గతంలో వైద్య ఆరోగ్య శాఖ ప్రత్యేక ప్రధాన కార్యదర్శిగా జవహర్ రెడ్డి బాధ్యతల్ని నిర్వహించారు. గతేడాదిలో ఆయన్ను టీటీడీ ఈవోగా ప్రభుత్వం నియమించింది. టీటీడీ ఈవోగా ఉన్న అనిల్ కుమార్ సింఘాల్‌‌కు వైద్య ఆరోగ్య శాఖ ముఖ్య కార్యదర్శిగా బాధ్యతలు అప్పగించారు. మళ్లీ కరోనా సెకండ్ వేవ్ రాష్ట్రంలో పంజా విసరడంతో జవహర్‌రెడ్డికి మళ్లీ కీలక బాధ్యతలు అప్పగించారు.. స్టేట్ కమాండ్ కంట్రోల్ ఛైర్మన్‌గా నియమించారు. కాగా.. కరోనాతో చికిత్స పొందుతూ నేడు టీటీడీ జమేదార్ మృతి చెందారు.