MLC Naveen Kumar: ఫోన్‌ ట్యాపింగ్‌తో నాకు ఎలాంటి సంబంధం లేదు

MLC Naveen Kumar: ఫోన్‌ ట్యాపింగ్‌ వ్యవహారంలో తన గురించి కొన్ని రోజులుగా జరుగుతున్న ప్రచారం అవాస్తవమని కొట్టి పారేశారు బీఆర్ఎస్‌ ఎమ్మెల్సీ నవీన్‌ కుమార్‌. ఫోన్‌ ట్యాపింగ్‌తో తనకు ఎలాంటి సంబంధం లేదని క్లారిటీ ఇచ్చారు. తన గెస్ట్‌హౌస్‌తో పాటు తన నివాసంలో ఎలాంటి పోలీసు తనిఖీలు జరగలేదని, సోషల్‌ మీడియాలో జరుగుతున్న ప్రచారం అవాస్తవమని అన్నారు. ఫోన్ ట్యాపింగ్ వ్యవహారంలో తనపై బురదచల్లే ప్రయత్నం చేస్తున్నారని ఆరోపించారు. ఇలాంటి ప్రచారం చేస్తున్నవారిపై చట్టరీత్యా చర్యలు తీసుకుంటానని, పోలీసులకు కూడా ఫిర్యాదు చేస్తానని హెచ్చరించారు ఎమ్మెల్సీ నవీన్‌కుమార్.