TVS Jupiter: టీవీఎస్ జూపిటర్ మరింత స్మార్ట్‌గా.. కొత్త వేరియంట్‌ ధర ఎంతంటే..?

TVS Jupiter: టీవీఎస్ జూపిటర్ మరింత స్మార్ట్‌గా మారింది. కంపెనీ తాజాగా కొత్త వేరియంట్‌ని విడుదల చేసింది. దీనిపేరు జెడ్ఎక్స్ డ్రమ్ స్మార్ట్ఎక్స్ఓనెక్ట్. ఈ వేరియంట్లో బ్లూటూత్ ఆధారిత కనెక్టివిటీ సెటప్ ఉంటుంది. గతంలో ఇది కేవలం డిస్క్ బ్రేక్ వేరియంట్‌కి మాత్రమే ఉండేది. ఈ స్మార్ట్ఎక్స్ఓనెక్ట్ సిస్టెమ్లో టర్న్ బై టర్న్ నేవిగేషన్, వాయిస్ అసిస్టెన్స్, కాల్/ ఎస్ఎంఎస్ అలర్ట్ వంటి ఫీచర్లతో వచ్చింది. ఇందులో కూడా రెండు ఇంజిన్ ఆప్షన్స్ ఉన్నాయి. వాటి గురించి వివరంగా తెలుసుకుందాం.

అవి ఒకటి 7.77 హెచ్‌పీ పవర్ను, 8.8 ఎన్ఎం టార్క్‌ని జనరేట్ చేసే 110సీసీ ఇంజిన్ మరొకటి 8.05 హెచ్‌పి పవర్, 10.5 ఎన్ఎం టార్క్‌ని జనరేట్ చేసే 125సీసీ ఇంజిన్ ఉన్నాయి. వీటికి సీవీటీ ఆటోమెటిక్ గేర్‌ బాక్స్ వస్తోంది. జెడ్ఎక్స్ డ్రమ్‌లో 130ఎంఎం డ్రమ్ బ్రేక్స్‌తో పాటు కంబైన్డ్ బ్రేకింగ్ సిస్టెమ్ లభిస్తోంది. స్టార్లైట్ బ్లూ, ఆలివ్ గోల్డ్ కలర్స్‌లో ఇది అందుబాటులో ఉంది. ఫ్రెంట్, రేర్ వీల్స్‌కి 12 ఇంచ్ ట్యూబ్లెస్ టైర్స్ వస్తున్నాయి.

ధర ఎంతంటే..?

టీవీఎస్ జూపీటర్ జెడ్ఎక్స్ డ్రమ్ స్మార్ట్ఎక్స్ఓనెక్ట్ స్కూటర్ ఎక్స్‌ షోరూం ధర రూ.84,468. టీవీఎస్‌ లైనప్‌లో లో బ్లూటూత్ ఫీచర్ కలిగి ఉన్న అతి చౌకైన స్కూటర్ ఇదే కావడం విశేషం. ఇక ఈ మోడల్ లాంచ్‌తో హోండా యాక్టివాకు గట్టి పోటీ తప్పదని మార్కెట్ వర్గాలు చెబుతున్నాయి. కొత్త వేరియంట్‌తో కస్టమర్లను ఆకర్షించాలని రైడింగ్ ఎక్స్‌పీరియన్స్‌ని మెరుగుపరచాలని సంస్థ భావిస్తోంది. టీవీఎస్ జూపిటర్ ఎక్స్‌ షోరూం ధర రూ.73,240 నుంచి రూ.89,648 మధ్యలో ఉంటుంది. హోండా యాక్టివా తర్వాత దేశంలో క్రేజ్ ఎక్కువగా ఉన్న రెండో స్కూటర్‌గా ఇది గుర్తింపు పొందింది.