Whatsapp: వాట్సప్‌ యూజర్లకు గుడ్‌న్యూస్.. ఇకపై హెచ్‌డీ క్వాలిటీతో ఫొటో షేరింగ్ ఆప్షన్..!

Whatsapp HD Image: ఇన్‌స్టంట్ మెసేజింగ్ యాప్ వాట్సాప్ హెచ్‌డీ ఇమేజ్ షేరింగ్ ఫీచర్‌ను అందుబాటులోకి తెచ్చింది. ఈ ఫీచర్ సహాయంతో వినియోగదారులు 4160x2080 పిక్సెల్ రిజల్యూషన్ వరకు HD ఫొటోలను పంచుకోవచ్చు. WhatsApp మాతృ సంస్థ Meta CEO మార్క్ జుకర్‌బర్గ్, Facebookతో సహా ఇతర సోషల్ మీడియా ప్లాట్‌ఫారమ్‌ల ద్వారా ఈ సమాచారాన్ని అందించారు. 

'వాట్సాప్‌లో ఫొటోలను భాగస్వామ్యం చేసేందుకు యాప్‌ను అప్‌గ్రేడ్ చేసుకోవాల్సి ఉంటుంది. ఆ తర్వాత మీరు HDలో ఫొటోలు పంపవచ్చు. దీనితో పాటు ఈ ఫీచర్ వీడియోను కూడా పంచుకున్నారు'.

HD ఇమేజ్ షేరింగ్ ఫీచర్ రోల్ అవుట్ అయిన తర్వాత HD ఇమేజ్ షేరింగ్ ఆప్షన్ అలాగే స్టాండర్డ్ క్వాలిటీ రెండింటిలోనూ ఫొటోలను షేర్ చేయవచ్చు. దీనితో పాటు HD చిత్రాన్ని 1600X800 పిక్సెల్ రిజల్యూషన్ వరకు పంపే ఛాన్స్ ఉంది.

WhatsApp ద్వారా HD నాణ్యతలో ఫొటోలను ఎలా పంపాలి?

ఫొటోను షేర్ చేసే సమయంలో నాణ్యత ప్రమాణం ఎంచుకోవాల్సి ఉంటుంది. ఈ సందర్భంలో, హై డెఫినిషన్ నాణ్యతలో చిత్రాన్ని భాగస్వామ్యం చేయడానికి HD ఎంపికను మాన్యువల్‌గా ఎంచుకోవాల్సి ఉంటుంది.