Oppo Find X8 Price: 'ఒప్పో ఫైండ్‌ ఎక్స్‌8' సిరీస్‌ వచ్చేసింది.. ఫీచర్స్ అదుర్స్! ఇట్స్ వెరీ కాస్ట్‌లీ గురూ

Oppo Find X8 Price: చైనాకు చెందిన ప్రముఖ మొబైల్‌ తయారీ కంపెనీ 'ఒప్పో' సరికొత్త ఫ్లాగ్‌షిప్ ఫోన్‌లను భారతదేశంలో లాంచ్ చేసింది. ఫైండ్‌ ఎక్స్‌ 8 సిరీస్‌లో రెండు ప్రీమియం స్మార్ట్‌ఫోన్‌లను గురువారం విడుదల చేసింది. ఫైండ్‌ ఎక్స్‌8, ఫైండ్‌ ఎక్స్‌ 8 ప్రో పేరిట తీసుకొచ్చింది. ఈ రెండు ఫోన్‌లు ఔటాఫ్‌ ది బాక్స్ ఆండ్రాయిడ్‌ 15తో వస్తున్నాయి. మీడియాటెక్‌ డైమెన్సిటీ 9400 చిప్‌సెట్‌తో వస్తున్న తొలి ఫోన్లు ఇవే. సూపర్ కెమెరా, బిగ్ బ్యాటరీతో వస్తున్న ఈ ఫోన్‌లు ఐపీ68/ఐపీ69 రేటింగ్‌తో వస్తున్నాయి. ఇక ఫుల్ డీటెయిల్స్ తెలుసుకుందాం.

ఒప్పో ఫైండ్‌ ఎక్స్8 ఫోన్‌ 12జీబీ+256జీబీ వేరియంట్‌ ధర రూ.69,999గా..16జీబీ+512జీబీ వేరియంట్ ధరను రూ.79,999గా కంపెనీ నిర్ణయించింది. ఒప్పో ఫైండ్‌ ఎక్స్‌8 ప్రో ఒకే వేరియంట్‌లో లభిస్తుంది. దీని ధర రూ.99,999గా ఉంది. ఫైండ్‌ ఎక్స్8 ఫోన్ స్పేస్ బ్లాక్‌, స్టార్‌ గ్రే రంగుల్లో వస్తుండగా.. పెరల్‌ వైట్‌, స్పేస్‌ బ్లాక్‌ రంగుల్లో ఫైండ్‌ ఎక్స్‌8 ప్రో లభిస్తుంది. డిసెంబర్‌ 3 నుంచి ఒప్పో ఇ-స్టోర్‌, ప్లిప్‌కార్ట్‌లలో ఈ రెండు ఫోన్స్ అమ్మకానికి అందుబాటులో ఉంటాయి.

ఫైండ్‌ ఎక్స్‌8 6.59 ఇంచెస్ ఎల్‌టీపీఓ అమోలెడ్‌ డిస్‌ప్లేతో వస్తుంది. 120 హెచ్‌జెడ్‌ రిఫ్రెష్‌ రేటు, 4500 నిట్స్‌ పీక్‌ బ్రైట్‌నెస్‌ ఈ స్క్రీన్ సొంతం. మీడియాటెక్‌ డైమెన్సిటీ 9400 చిప్‌సెట్‌ను ఇచ్చారు. ఆండ్రాయిడ్‌ 15 ఆధారిత కలర్‌ ఓఎస్‌ 15తో పనిచేస్తుంది. ఇందులో 50 ఎంపీ సోనీ ఎల్‌టీవై 700 ప్రధాన సెన్సర్‌తో పాటుగా 50 ఎంపీ అల్ట్రావైడ్‌ యాంగిల్‌ కెమెరా, 50 ఎంపీ పెరిస్కోప్‌ టెలిఫొటో లెన్స్‌ను ఇచ్చారు. 3ఎక్స్‌ ఆప్టికల్‌ జూమ్‌కు సపోర్ట్‌ చేస్తుంది. సెల్ఫీ కోసం 32 ఎంపీ కెమెరా ఉంటుంది. ఎక్స్‌8లో 5630 ఎంఏహెచ్‌ బ్యాటరీని ఇవ్వగా.. 80 వాట్స్ ఫాస్ట్ ఛార్జింగ్‌కు, 50 వాట్స్ ఎయిర్‌వూక్‌ ఛార్జింగ్‌కు సపోర్ట్ చేస్తుంది.

ఫైండ్‌ ఎక్స్‌8 ప్రో మోడల్‌లో 6.78 ఇంచెస్ ఎల్‌టీపీఓ అమోలెడ్‌ డిస్‌ప్లేను ఇచ్చారు. దీనిని కూడా 120 హెచ్‌జెడ్‌ రిఫ్రెష్‌ రేటు, 4500 నిట్స్‌ పీక్‌ బ్రైట్‌నెస్‌తో తీసుకొచ్చారు. మీడియాటెక్‌ డైమెన్సిటీ 9400 చిప్‌సెట్‌ ఉంటుంది. ఇందులో 50 ఎంపీ సోనీ ఎల్‌వైటీ 808 మెయిన్ కెమెరా ఉంటుంది. 50 ఎంపీ అల్ట్రావైడ్‌ యాంగిల్ కెమెరా, 50 ఎంపీ పెరిస్కోపిక్‌ 3ఎక్స్‌ ఆప్టికల్‌ జూమ్‌, 50 ఎంపీ 6 ఎక్స్‌జూమ్‌ సెన్సర్‌ను ఇచ్చారు. వీడియో కాల్స్ కోసం 32 ఎంపీ కెమెరా ఉంటుంది. 5910 ఎంఏహెచ్‌ బ్యాటరీని ఇచ్చారు. ఇది 80 వాట్స్ ఫాస్ట్ ఛార్జింగ్‌కు, 50 వాట్స్ ఎయిర్‌వూక్‌ ఛార్జింగ్‌కు మద్దతు ఇస్తుంది.