Weapons: ఆయుధాలకు కూడా ఎక్స్ పైరీ డేట్ ఉంటుందా.. సైన్స్ ఏమి చెబుతుందంటే..?

Weapons: ఆహార పదార్థాలు, మందులు అనేక ఇతర వస్తువులకు గడువు తేదీలు ఉంటాయని మనందరికీ తెలిసిందే. అయితే ఆయుధాలకు కూడా గడువు తేదీలు ఉంటాయని మీరు ఎప్పుడైనా ఆలోచించారా? ఈ ప్రశ్న వింతగా ఉంది కదా. యుద్ధంలో ప్రజల రక్షణకు, ఏ ప్రదేశంలోనైనా పోరాడటానికి తయారు చేయబడినని ఆయుధాలు. అవి కూడా ఎక్స్ పైరీ డేట్ కలిగి ఉంటాయా అన్న ప్రశ్న అందరిలో మెదులుతుంది. అయితే ఆయుధాల గడువు ఎప్పుడు ముగుస్తుంది? ఈ ప్రశ్నలన్నింటికీ సమాధానాలు ఈ కథనాలు తెలుసుకుందాం.

చిన్న ఆయుధాల నుండి ప్రమాదకరమైన ఆయుధాల వరకు, వాటికి ఎక్స్ పైరీ డేట్ ఉంటుంది. అణు బాంబులు కూడా కాలక్రమేణా ముగిసిపోతాయి. సాధారణంగా, అణు బాంబుల జీవితకాలం 30 నుండి 50 సంవత్సరాలు, ఎందుకంటే కాలక్రమేణా హీలియం వంటి రసాయన మూలకాలు క్షీణించడం ప్రారంభిస్తాయి. దీని కారణంగా వాటి ప్రభావం కూడా తగ్గుతుంది. చాలా విధ్వంసం కలిగించే అవకాశం ఉన్న కొన్ని బాంబులు గరిష్టంగా 10 సంవత్సరాల షెల్ఫ్ జీవితాన్ని కలిగి ఉంటాయి. అదేవిధంగా, క్షిపణుల జీవితకాలం కూడా 20 నుండి 30 సంవత్సరాల వరకు ఉంటుంది. వాటి ఎక్స్ పైరీ డేట్ వాటి ఇంధన వ్యవస్థ, సాంకేతికతపై ఆధారపడి ఉంటుంది.

ఎక్స్ పైరీ డేట్ ను నిర్ణయించడం అనేది ఆయుధ రకం, దాని రూపకల్పన, దాని తయారీలో ఏ రకమైన పదార్థం ఉపయోగించబడింది అనే దానిపై ఆధారపడి ఉంటుంది. ఇది కాకుండా, సాంకేతిక, ఆచరణాత్మక అంశాలు కూడా ప్రత్యేక పాత్ర పోషిస్తాయి. ఉదాహరణకు, ఒక ఆయుధంలో ఉపయోగించే మెటల్, ప్లాస్టిక్, పేలుడు పదార్థాలు ఆ ఆయుధం నిర్వహణ సమయాన్ని కూడా ప్రభావితం చేస్తాయి. ఉక్కు, టైటానియం వంటి అధిక నాణ్యత లోహాలతో తయారు చేయబడిన ఆయుధాలు ఇతర పదార్థాల కంటే ఎక్కువ కాలం ఉంటాయి. అటువంటి ఆయుధాల గడువు చాలా కాలం ఉంటుంది. ఒక ఆయుధాన్ని ఎక్కువగా ఉపయోగిస్తే, దాని గడువు త్వరగా ముగిసి పోతుంది. అదనంగా, అధిక ఉష్ణోగ్రతలు, తేమ లేదా కఠినమైన వాతావరణ పరిస్థితులు వంటి నిర్దిష్ట వాతావరణాలలో ఆయుధం నిల్వ చేయబడితే, దాని జీవితకాలం మరింత తగ్గిపోవచ్చు.

సైన్స్ ఏం చెబుతోంది?

ఆయుధాల వెనుక సైన్స్ ఉంది. మందుగుండు సామాగ్రి , పేలుడు పదార్థాలలో నైట్రోగ్లిజరిన్, TNT లేదా ఇతర పేలుడు రసాయన మిశ్రమాలను కలిగి ఉంటాయి. ఇవి ఆక్సీకరణ కారణంగా కాలక్రమేణా వాటి స్థిరత్వాన్ని కోల్పోతాయి. ఇది వాటిని తప్పుగా కాల్చడానికి, కొన్నిసార్లు అసమర్థంగా మారవచ్చు. క్షిపణుల విషయంలో కూడా ఇదే పరిస్థితి ఉంది. రసాయనం పాడైపోవడం వల్ల వాటి శక్తి ఉత్పత్తి సామర్థ్యం తగ్గడం ప్రారంభమవుతుంది. ఈ ప్రక్రియలో ఇంధనం, ఇతర రసాయనాలు విచ్చిన్నమైపోతాయి.

ఎక్కువ కాలం నిల్వ ఉంచిన ఆయుధాలలోని లోహాలు తుప్పు పట్టే అవకాశం ఉంది. ఇది వాటి ప్రభావాన్ని తగ్గిస్తుంది. కొన్ని సందర్భాల్లో లక్ష్యానికి ముందే అవి పేలవచ్చు. తుపాకులు, రైఫిళ్లు కూడా ఇలాగే ఉంటాయి. వాటి లోపలి ఉపరితలం అరిగిపోవడం ప్రారంభమవుతుంది. దీని కారణంగా అవి లక్ష్యాన్ని సరిగ్గా చేధించవు. అదనంగా, తేమ, అధిక ఉష్ణోగ్రతలు, యూవీ రేడియేషన్ కూడా ఆయుధాల నాణ్యతను ప్రతికూలంగా ప్రభావితం చేస్తాయి. అందుకే ఆయుధాల గడువు తేదీని అర్థం చేసుకోవడానికి ఈ విషయాలన్నింటినీ గుర్తుంచుకోవడం ముఖ్యం.