Best Camera Phones: ఈ ఏడాది విడుదలైన బెస్ట్ కెమెరా ఫోన్లు.. ఫోటోలు తీస్తే బొమ్మ అదిరిపోద్ది..!

Best Camera Phones: ఈ ఏడాది భారత మార్కెట్లోకి ఎన్నో అద్భుతమైన స్మార్ట్‌ఫోన్‌లు వచ్చాయి. వీటిలో గొప్ప సెల్ఫీ కెమెరాలతో కూడిన స్మార్ట్‌ఫోన్‌లు కూడా ఉన్నాయి. ఈ ఫోన్‌లలో మీకు 50 మెగాపిక్సెల్ ఫ్రంట్ కెమెరా లభిస్తుంది. విశేషమేమిటంటే ఈ మొబైల్ వెనుక కెమెరా సెటప్ కూడా అద్భుతంగా ఉంటుంది. ఇది కాకుండా, మీరు ఇందులో శక్తివంతమైన ప్రాసెసర్  కూడా చూడవచ్చు. మా జాబితాలో Vivo, Oppo, Motorola నుండి ఫోన్‌లు ఉన్నాయి. వీటి గురించి వివరంగా తెలుసుకుందాం.

Vivo V40

ఈ Vivo ఫోన్ సెల్ఫీలు, రీల్స్ చేయడానికి ఉత్తమమైన పరికరాలలో ఒకటి. ఇందులో మీకు 50 మెగాపిక్సెల్ ఆటోఫోకస్ సెల్ఫీ కెమెరా లభిస్తుంది. ఈ ఫ్రంట్ కెమెరా 4K వీడియోలను రికార్డ్ చేస్తుంది. మీరు ఫోన్ వెనుక భాగంలో 50-మెగాపిక్సెల్ ప్రధాన కెమెరాను కూడా చూడచ్చు. ఈ Vivo ఫోన్‌లో మీకు 6.78 అంగుళాల 1.5K AMOLED డిస్‌ప్లే లభిస్తుంది. ఈ డిస్ప్లే 120Hz రిఫ్రెష్ రేట్‌కు సపోర్ట్ ఇస్తుంది. ఈ డిస్ప్లే 4500 నిట్‌ల బ్రైట్‌నెస్ స్థాయిని సపోర్ట్ చేస్తుంది. గరిష్టంగా 12 GB RAM +512 GB వరకు స్టోరేజ్ ఉన్న ఈ ఫోన్‌లో Snapdragon 7 Gen 3 చిప్‌సెట్ ప్రాసెసర్‌గా ఉంది. ఫోన్ బ్యాటరీ 5500mAh. ఇది 80W ఫాస్ట్ ఛార్జింగ్‌కు సపోర్ట్ ఇస్తుంది.

Oppo Reno 12 Pro

ఒప్పో ఈ ఫోన్ 50 మెగాపిక్సెల్ సెల్ఫీ కెమెరాను కలిగి ఉంది. ఈ కెమెరా గొప్ప AI ఫీచర్లతో వస్తుంది. ఫోన్ వెనుక ప్యానెల్‌లో మీరు LED ఫ్లాష్‌తో కూడిన మూడు కెమెరాలను చూడొచ్చు. వీటిలో 50-మెగాపిక్సెల్ మెయిన్ లెన్స్‌తో పాటు 8-మెగాపిక్సెల్ అల్ట్రావైడ్ యాంగిల్,50-మెగాపిక్సెల్ టెలిఫోటో లెన్స్ ఉన్నాయి. ఫోన్‌ క్వాడ్ కర్వ్డ్ AMOLED డిస్‌ప్లే 6.7 అంగుళాలు. ఈ పూర్తి HD + డిస్ప్లే 120Hz రిఫ్రెష్ రేట్‌కు మద్దతు ఇస్తుంది. డిస్‌ప్లే ప్రొటక్షన్ కోసం కంపెనీ గొరిల్లా గ్లాస్ విక్టస్ 2ని కూడా అందిస్తోంది. ప్రాసెసర్‌గా, ఈ ఫోన్ డైమెన్షన్ 7300 ఎనర్జీని కలిగి ఉంది. ఫోన్ బ్యాటరీ 5000mAh, ఇది 80 వాట్ల ఛార్జింగ్‌కు సపోర్ట్ ఇస్తుంది.

Motorola Edge 40 Pro

సెల్ఫీ ప్రియులకు కూడా ఈ మోటరోలా ఫోన్ చాలా బాగుంది. ఈ ఫోన్‌లో మీకు 50 మెగాపిక్సెల్ సెల్ఫీ కెమెరా లభిస్తుంది. ఫోన్ వెనుక కెమెరా సెటప్ గురించి మాట్లాడితే  13 మెగాపిక్సెల్ అల్ట్రావైడ్ యాంగిల్ కెమెరా, 10 మెగాపిక్సెల్ టెలిఫోటో లెన్స్‌తో పాటు 50 మెగాపిక్సెల్ మెయిన్ కెమెరాను పొందుతారు. కంపెనీ ఈ ఫోన్‌లో 144Hz రిఫ్రెష్ రేట్‌తో 6.7-అంగుళాల 1.5K pOLED డిస్‌ప్లేను అందిస్తోంది. డిస్‌ప్లే రక్షణ కోసం గొరిల్లా గ్లాస్ 5 ఫోన్‌లో అందించారు. ఈ Motorola ఫోన్ Snapdragon 7 Gen 3లో పని చేస్తుంది. ఫోన్  బ్యాటరీ 4500mAh, ఇది 125 వాట్ల ఫాస్ట్ ఛార్జింగ్‌కు సపోర్ట్ ఇస్తుంది.