IND vs SA Final: టాస్ గెలిచిన రోహిత్.. ప్లేయింగ్ 11లో ఎవరున్నారంటే?

India vs South Africa, T20 World Cup Final 2024: బార్బడోస్‌లోని కెన్సింగ్టన్ ఓవల్‌లో భారత్-దక్షిణాఫ్రికా జట్ల మధ్య టీ20 ప్రపంచకప్ ఫైనల్ మ్యాచ్ మొదలైంది. ఈ క్రమంలో టాస్ గెలిచిన టీమిండియా సారథి రోహిత్ శర్మ ముందుగా బ్యాటింగ్ ఎంచుకున్నాడు. దీంతో సౌతాఫ్రికా బౌలింగ్ చేయనుంది. ప్రస్తుతం బార్బడోస్‌లో వాతావరణం స్పష్టంగా ఉంది. అక్యు వెదర్ ప్రకారం, బార్బడోస్‌లో మ్యాచ్‌ జరిగే సమయంలో వర్షం పడే అవకాశం 51% ఉంది.

ఇరు జట్లు:

దక్షిణాఫ్రికా (ప్లేయింగ్ XI): క్వింటన్ డి కాక్(కీపర్), రీజా హెండ్రిక్స్, ఐడెన్ మార్క్రామ్(కెప్టెన్), ట్రిస్టన్ స్టబ్స్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహరాజ్, కగిసో రబడ, అన్రిచ్ నోర్ట్జే, తబ్రైజ్ షమ్సీ

భారత్ (ప్లేయింగ్ XI): రోహిత్ శర్మ(కెప్టెన్), విరాట్ కోహ్లీ, రిషబ్ పంత్(కీపర్), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, అర్ష్‌దీప్ సింగ్, కుల్దీప్ యాదవ్, జస్ప్రీత్ బుమ్రా.

కాగా, ఇరుజట్ల ప్లేయింగ్ 11లో ఎలాంటి మార్పులు చేయలేదు. అదే జట్లతో ఇరుజట్లు బరిలోకి దిగుతున్నాయి.

మ్యాచ్ గణాంకాలు..

టాస్ గెలిచిన జట్లు మునుపటి T20 ప్రపంచ కప్ ఫైనల్స్‌లో 8 లో 7 మ్యాచ్‌లలో గెలిచాయి. 2010 తర్వాత పగటిపూట జరగనున్న తొలి టీ20 ప్రపంచకప్‌ ఫైనల్‌ ఇదే కావడం గమనార్హం.

అనుకున్నట్లుగానే రెండు టీమ్‌లు అదే ప్లేయింగ్ 11తో బరిలోకి దిగనున్నాయి. అలాగే, ఊహించినట్లుగానే, భారత్ మొదట బ్యాటింగ్ చేయాలని నిర్ణయించుకుంది. అధిక ఒత్తిడితో కూడిన గేమ్‌లో బోర్డుపై పరుగులు పెట్టేందుకు సిద్దమైంది. ఆఫ్ఘనిస్తాన్‌తో జరిగిన సూపర్ 8 గేమ్‌లో భారత్ 181 పరుగులు చేయగా, ఇక్కడ ఇంగ్లండ్‌తో జరిగిన మ్యాచ్‌లో ఆస్ట్రేలియా 201 పరుగులు చేసింది. ఇక్కడ బౌండరీలు చాలా తక్కువగా ఉన్నాయి. టీమిండియా దాదాపు 180కి చేరుకోగలిగితే, మ్యాచ్ గెలిచేందుకు అవకాశాలు ఉంటాయి.

ఈ వేదికపై, ఈ ప్రపంచకప్‌లో 9 మ్యాచ్‌ల్లో ఒక జట్టు టాస్ గెలిచి ముందుగా బ్యాటింగ్ ఎంచుకోవడం ఇది నాలుగోసారి. మొదట బ్యాటింగ్ చేసి, ఛేజింగ్‌కు దిగిన జట్ల గెలుపు-ఓటముల రికార్డు 3-3తో సమానంగా ఉంది. ఒక మ్యాచ్ టైగా ముగిసింది. సగటు బ్యాటింగ్ మొదటి ఇన్నింగ్స్ స్కోరు 150 పరుగులుగా (డే గేమ్‌లలో 163 ​​పరుగులు)ఉంది.