AFG vs BAN: టీ20 వరల్డ్‌కప్ సెమీస్‌కు అఫ్ఘనిస్థాన్

T20 World Cup 2024: టీ ట్వంటీ వరల్డ్‌కప్‌లో అఫ్గానిస్థాన్ దుమ్మురేపింది. సెమీస్‌లో చోటు దక్కాలంటే చావోరేవో తేల్చుకోవాల్సిన మ్యాచ్‌లో రషీద్ సేన సత్తాచాటింది. సూపర్ 8 లో భాగంగా బంగ్లాదేశ్‌తో జరిగిన ఉత్కంఠ పోరులో విజయం సాధించిన అప్గానిస్తాన్ సెమీస్‌లోకి దూసుకెళ్లింది. అఫ్గానిస్తాన్ సెమీస్‌లో అడుగుపెట్టడంతో టీ ట్వంటీ ప్రపంచకప్ నుంచి ఆస్ట్రేలియా నిష్ర్కమించింది. ఈ నెల 27న సెమీ ఫైనల్ మ్యాచ్‌లు జరగనున్నాయి. సెమీ‌ఫైనల్-1లో సౌతాఫ్రికాతో అఫ్గానిస్థాన్, సెమీ ఫైనల్-2లో భారత్, ఇంగ్లాండ్ జట్లు తలపడనున్నాయి.