నటుడు వరుణ్ సందేశ్ ఇంట విషాదం!

టాలీవుడ్ సినీ హీరో, బిగ్‌బాస్‌ 3 ఫేం వరణ్‌ సందేశ్‌ ఇంట విషాదం నెలకొంది. వరుణ్ సందేశ్ తాత జీడిగుంట రామచంద్ర మూర్తి(80)మృతి చెందారు. ఇటివల కరోనా బారిన పడిన ఆయన ఇవాళ తుదిశ్వాస విడిచినట్టుగా కుటుంబ సభ్యులు వెల్లడించారు. ఈ వార్త తెలియగానే టాలీవుడ్ లోని సినీ ప్రముఖులు సోషల్ మీడియాలో సంతాపం తెలుపుతున్నారు. ప్రముఖ ప్రజ్ఞాశాలిగా, రేడియో కళాకారుడిగా గుర్తింపు పొందారు జీడిగుంట రామచంద్ర మూర్తి.

ఇక రామచంద్ర మూర్తి1940లో జన్మించారు.. ముందుగా ఆయన 19 ఏళ్ల వయసులో వరంగల్‌ సహకార బ్యాంక్‌లో ఉద్యోగం ప్రారంభించారు. అనంతరం 1971లో హైదరాబాద్‌ ఆకాశవాణిలో చేరి అక్కడ రచయితగా, రేడియో కళాకారుడిగా కొనసాగారు. ఇక ఆ తర్వాత ఆయన 300 కథలు, 40 నాటికలు, 8 నవలలు రేడియో టెలివిజన్‌ సినిమా మాధ్యమాల్లో అనేక రచనలు రాసి మరింత పేరు సంపాదించుకున్నారు. అయన మనవడు వరణ్‌ సందేశ్‌ ప్రస్తుతం టాలీవుడ్ లో హీరోగా కొనసాగుతున్నాడు.