Prabhas: ప్రభాస్‌పై ఆ కామెంట్స్ చేసేది అందుకే.. స్పందించిన టాలీవుడ్‌ నిర్మాత
Prabhas: ప్రభాస్ నుంచి సినిమా వస్తుందంటే చాలు బాక్సాఫీస్‌ షేక్‌ అవ్వాల్సిందే. ప్రస్తుతం ప్రభాస్‌కు సంబంధించిన ఏ చిన్న వార్త అయినా అది నేషనల్‌ వైడ్‌ చర్చకు దారి తీస్తోంది.
Prabhas
Prabhas: ప్రభాస్.. ఇప్పుడీ యంగ్ రెబల్‌ స్టార్ రేంజ్‌ ఏంటో ప్రత్యేకంగా చెప్పాల్సిన పనిలేదు. ప్రభాస్ నుంచి సినిమా వస్తుందంటే చాలు బాక్సాఫీస్‌ షేక్‌ అవ్వాల్సిందే. ప్రస్తుతం ప్రభాస్‌కు సంబంధించిన ఏ చిన్న వార్త అయినా అది నేషనల్‌ వైడ్‌ చర్చకు దారి తీస్తోంది. రూ. వెయ్యి కోట్ల కలెక్షన్లను సునాయాసంగా రాబడుతూ ఇండియన్‌ బాక్సాఫీస్‌పై తనదైన ముద్ర వేస్తున్నారు ప్రభాస్.
దీంతో ప్రభాస్‌పై దేశవ్యాప్తంగా అభిమానులతో పాటు, సినిమా సెలబ్రిటీలు సైతం ప్రశంసల జల్లు కురిపిస్తున్నారు. అయితే ఇదే సమయంలో బాలీవుడ్‌ నటుడు అర్షద్‌ వార్సీ ప్రభాస్‌ను ఉద్దేశించి చేసిన కొన్ని వ్యాఖ్యలు చర్చనీయాంశంగా మారిన విషయం తెలిసిందే. ఇటీవల ఇచ్చిన ఓ ఇంటర్వ్యూలో కల్కి చిత్రంలో ప్రభాస్ పాత్ర ఒక జోకర్‌లా ఉందంటూ అభ్యంతకర వ్యాఖ్యలు చేశారు అర్షద్‌. దీంతో ప్రభాస్ ఫ్యాన్స్‌తో పాటు సెలబ్రిటీలు సైతం తీవ్రంగా ఖండిస్తున్నారు. కల్కి సినిమాతో ఇండియన్‌ మార్కెట్‌ను షేక్‌ చేసిన ప్రభాస్‌పై ఇలాంటి వ్యాఖ్యలు చేయడం దారుణమని అంటున్నారు. వెంటనే ప్రభాస్‌కు క్షమాపణలు చెప్పాలని డిమాండ్ చేస్తున్నారు.
ఈ క్రమంలోనే తాజాగా టాలీవుడ్‌ దర్శకుడు శ్రీనివాస కుమార్‌ స్పందించారు. ఈ వ్యాఖ్యలకు సంబంధించిన ఎక్స్‌లో ఓ నెటిజన్‌ పోస్ట్‌కు ఆయన కామెంట్ పెట్టారు. గుర్తింపు కోసమే ప్రభాస్‌పై ఇలాంటి వ్యాఖ్యలు చేశారని, వాళ్ల ఉనికిని కాపాడుకోవడం కోసం కష్టపడుతున్నారని రాసుకొచ్చారు శ్రీనివాస్‌ కుమార్‌. ఇక అభిమానులు సైతం అర్షద్‌పై ఓ రేంజ్‌లో ఫైర్‌ అవుతున్నారు. మరి వ్యతిరేకతతోనైనా తన వ్యాఖ్యలను అర్షద్‌ వెనక్కి తీసుకుంటారో లేదో చూడాలి.
ఇదిలా ఉంటే ప్రభాస్ ప్రస్తుతం హను రాఘవపూడి దర్శకత్వంలో ఓ సినిమాలో నటిస్తున్న విషయం తెలిసిందే. తాజాగా ఈ సినిమా పూజా కార్యక్రమాలతో అధికారికంగా ప్రారంభమైంది. ఇందులో ప్రభాస్‌కు జోడిగా ఇమాన్వీ ఎస్మాయిల్‌ నటిస్తోంది. ప్రభాస్ పక్కన ఇలా కనిపించిందో లేదో ఇమాన్వీ అలా ట్రెండింగ్‌లోకి వచ్చేసింది. ఎవరీ బ్యూటీ అని ప్రేక్షకులు నెట్టింట తెగ వెతికేస్తున్నారు. కాగా ఈ చిత్రాన్ని హనురాఘవపూడి పీరియాడిక్‌ నేపథ్యంగా తెరకెక్కిస్తున్నారు. యుద్ధం నేపథ్యంలో అద్భుతమైన కథతో ఈ సినిమా రానుందని తెలుస్తోంది.