OTT Telugu Movies This week: ఈ వారం ఓటీటీలో వీటిని అస్సలు మిస్‌ కాకండి.. పక్కా ఎంటర్‌టైన్‌మెంట్..!

OTT Telugu Movies This week: ఒకప్పుడు వారాంతం వచ్చిందంటే థియేటరల్లో ఏ సినిమాలు విడుదలవుతున్నాయా అని ప్రేక్షకులు ఎదురు చూసే వారు. కానీ ఎప్పుడైతే ఓటీటీ హవా పెరిగిందో అప్పటి నుంచి ఓటీటీ ప్లాట్‌ఫామ్‌లో ఏ సినిమా వస్తున్నాయన్న దానిపై కూడా సర్వత్ర ఆసక్తి నెలకొంది. దీంతో వారంతం వస్తుందంటే చాలు ఓటీటీలపై ఓ లుక్కేస్తున్నారు. ఈ నేపథ్యంలో తాజాగా ఈ వారం కూడా ఓటీటీలో కొన్ని సినిమాలు, వెబ్‌ సిరీస్‌లు ప్రేక్షకులను ఆకట్టుకునేందుకు సిద్ధమవుతున్నాయి. ఇంతకీ ఈ వారం ప్రేక్షకులను అలరించేందుకు వస్తున్న ఆ కొత్త కంటెంట్‌ ఏంటో ఇప్పుడు తెలుసుకుందాం..

* తమన్నా, రాశీఖన్నా ప్రధాన పాత్రలో నటించిన చూత్రం బాక్‌. ఇద్దరు హీరోయిన్లు గ్లామర్‌ విషయంలో పోటీపడీ మరీ నటించిన ఈ చిత్రం ఓటీటీ కోసం ప్రేక్షకులను ఎంతగానో ఎదురు చూస్తున్నారు. ఈ సినిమా ఓటీటీ హక్కులను ప్రముఖ ఓటీటీ సంస్థ డిస్నీ ప్లస్ హాట్‌ స్టార్‌ సొంతం చేసుకున్న విషయం తెలిసిందే. ఈ చిత్రం జూన్‌ 21వ తేదీ నుంచి స్ట్రీమింగ్ కానుంది.

* ఈ వారం ప్రేక్షకులు ఎంతగానో ఎదురుచూస్తున్న సిరీస్ కోటా ఫ్యాక్టరీ సీజన్‌3. నీట్‌, జేఈఈ వంటి కోచింగ్‌ సెంటర్లకు పెట్టింది పేరైన రాజస్థాన్‌లోని కోటాలో జరుగుతోన్న విద్యార్థుల ఆత్మహత్యలను ఇతివృత్తంగా చేసుకొని ఈ సిరీస్‌ను తెరకెక్కించారు. ఇప్పటికే వచ్చిన రెండు సిరీస్‌లు విజయవంతం కాగా ఇప్పుడు మూడో సీజన్‌ స్ట్రీమింగ్‌కు సిద్ధంగా ఉంది. జూన్‌ 20వ తేదీ నుంచి నెట్‌ఫ్లిక్స్‌లో స్ట్రీమింగ్ కానుంది.

* కామెడీ మూవీస్‌ను ఎంజాయ్‌ చేసే వారికి ఈ వారం ఓటీటీలో సందడి చేయడానికి నడికర్ తిలకం అనే తమిళ సినిమా సిద్ధంగా ఉంది. ఈ సినిమా తెలుగు వెర్షన్‌లో కూడా స్ట్రీమిగ్ కానుంది. జూన్‌ 21వ తేదీ నుంచి నెట్‌ఫ్లిక్స్‌ వేదికగా ఈ సినిమా స్ట్రీమింగ్‌ కానుంది.

ఇక వీటితో పాటు ఈ వారం డిస్నీ ప్లస్ హాట్‌స్టార్‌లో బ్యాడ్‌క్యాప్‌ హిందీ వెబ్‌ సిరీస్ జూన్‌ 21వ తేదీ నుంచి స్ట్రీమింగ్ కానుంది. దీనిపై కూడా మంచి బజ్‌ ఉంది. అలాగే జియో సినిమాలో బిగ్‌బాస్‌ ఓటీటీ సీజన్‌ 3 (హిందీ) జూన్‌ 21వ తేదీ నుంచి స్ట్రీమింగ్ కానుంది. అలాగే నెట్‌ఫ్లిక్స్‌లో జూన్‌ 19వ తేదీ నుంచి మహారాజ్‌ మూవీ, హిందీ వెబ్ సిరీస్‌ ఇండస్ట్రీ స్ట్రీమింగ్‌ కానుంది. వీటితోపాటు హాలీవుడ్ వెబ్‌ సిరీస్‌లను ఇష్టపడే వారికి నెట్‌ఫ్లిక్స్‌లో జూన్‌ 19వ తేదీ నుంచి అమెరికన్‌ స్వీట్ హార్ట్స్‌, గ్యాంగ్స్‌ ఆఫ్‌ గలీషియా (స్పానిష్‌ వెబ్‌ సిరీస్‌) స్ట్రీమింగ కానుంది. ఇక డిస్నీ ప్లస్‌ హాట్‌స్టార్‌లో జూన్‌ 21వ తేదీ నుంచి ది బేర్‌ సీజన్‌ 3 వెబ్‌ సిరీస్‌ స్ట్రీమింగ్ కానుంది.