Tamanna Bhatia: తన ప్రేమ గురించి అధికారికంగా ప్రకటించనున్న తమన్నా

Tamannaah: గత కొంతకాలంగా టాలీవుడ్ మిల్కీ బ్యూటీ తమన్నా మరియు బాలీవుడ్ నటుడు విజయ్ వర్మ ప్రేమించుకుంటున్నారు అని వార్తలు వినిపిస్తున్న సంగతి తెలిసిందే. ఎప్పటికప్పుడు కెమెరాకి చిక్కుతూ ఉన్న ఈ జంట తాజాగా గోవా కి వెకేషన్ కి కూడా వెళ్లి వచ్చారు. దీనికి సంబంధించిన ఫోటోలు కూడా సోషల్ మీడియాలో వైరల్ గా మారాయి. కానీ ఈ పుకార్లపై వీరి నుంచి ఎటువంటి రియాక్షన్ రాలేదు.

అయితే తాజా సమాచారం ప్రకారం తమన్నా మరియు విజయ్ తమ ప్రేమను ఇప్పుడు అధికారికంగా ప్రకటించబోతున్నారని తెలుస్తోంది. త్వరలోనే తమన్నా మరియు విజయ్ మీడియా ముఖంగా తమ ప్రేమ విషయాన్ని బయట పెట్టబోతున్నారు అని ఇండస్ట్రీ వర్గాల భోగట్టా. బాలీవుడ్ లో పలు సూపర్ హిట్ సినిమాలలో నటించిన విజయ్ వర్మ తెలుగు ప్రేక్షకులకు కూడా సుపరిచితుడే. నాని హీరోగా నటించిన "ఎంసీఏ" సినిమాలో కీలక పాత్రలో కనిపించిన విజయ్ వర్మ సుజాయ్ ఘోష్ దర్శకత్వంలో ఒక సినిమా చేయబోతున్నారు.

ఆ సినిమాలో తమన్నా హీరోయిన్గా నటిస్తోంది. ఈ సినిమా సెట్స్ పైనే వీరిద్దరికీ పరిచయమైంది. ఆ పరిచయం కొద్ది కాలంలోనే ప్రేమగా మారింది. నిజానికి విజయ్ వర్మ తమ ప్రేమ విషయం గురించి ఇప్పటికే సోషల్ మీడియాలో హింట్ ఇచ్చారు. వారిద్దరి పాదాల ను మాత్రం ఫోటో తీసి దానికి ఒక హార్ట్ ఎమోజిని జోడించి పోస్ట్ చేశారు. ఆ రెండవ పాదం ఎవరిది అని చెప్పకపోయినప్పటికీ ఆ జాకెట్ చూసి అభిమానులు అది తమన్నా అని కన్ఫామ్ చేసేసారు.