Pushpa 2 movie poster compared with KGF 2 poster: ఐకాన్ స్టార్ అల్లు అర్జున్‌కు బ్యాడ్ టైమ్ నడుస్తోందంటున్నారు నెటిజెన్స్. ఇప్పటికే నేషనల్ అవార్డ్ విషయంలో అన్‌స్టాపబుల్ షోలో చేసిన కామెంట్స్‌ను వాడుకుని నెటిజెన్స్ ఆయన్ను ట్రోలింగ్ చేస్తున్నారు. దానికి తోడు తాజాగా పుష్ప 2 మూవీ ట్రైలర్ లాంచింగ్ పోస్టర్ కూడా అల్లు అర్జున్‌ను మరో రకంగా వార్తల్లోకి తీసుకొచ్చింది.
సుకుమార్ దర్శకత్వంలో తెరకెక్కుతున్న పుష్ప-2 కోసం అభిమానులు ఎంతో ఆతృతగా ఎదురుచూస్తున్నారు. పుష్ప సినిమాకు నేషనల్ వైడ్‌గా టాక్ వచ్చింది. ఇక ఈ సినిమాకు సీక్వెల్‌గా వస్తున్న పుష్ప 2 సినిమా డిసెంబర్ 5న ప్రేక్షకుల ముందుకు రాబోతోంది. విడుదల తేదీ దగ్గర పడుతుండడంతో మేకర్స్ మూవీని ప్రమోట్ చేసే పనిలో పడ్డారు. ఈ క్రమంలో తాజాగా విడుదలైన పుష్ప2 పోస్టర్‌పై ట్రోల్స్ మొదలయ్యాయి. ఓ పాన్ ఇండియా సినిమాను కాపీ కొట్టినట్టు వార్తలు వినిపిస్తున్నాయి.
పుష్ప 2 పై సర్వత్రా చర్చ జరుగుతోంది. అయితే సోషల్ మీడియా వేదికగా స్టార్ట్ అయిన ఓ సరికొత్త చర్చ ఇటు ఫ్యాన్స్‌లో, అటు ఇండస్ట్రీలో ప్రకంపనలు సృష్టిస్తున్నాయి. తాజాగా పుష్ప 2 సినిమా నుంచి ట్రైలర్ అప్డేట్ వచ్చింది. సినిమా ట్రైలర్ నవంబర్ 17న సాయంత్రం 6 గంటల 3 నిమిషాలకు రిలీజ్ చేయనున్నట్టు ప్రకటించారు. ఈ ప్రకటనతో పాటు అల్లు అర్జున్ గన్ పట్టుకున్న పోస్టర్ షేర్ చేశారు. ఈ పోస్టర్ క్షణాల్లోనే వైరల్‌గా మారింది. ఈ పోస్టర్‌కు కేజీఎఫ్ పోస్టర్‌ను జత చేస్తూ నెటిజన్లు కామెంట్స్ చేస్తున్నారు.
కేజీఎఫ్ 2 సినిమాలో యశ్ పోస్టర్స్‌ని పోలి ఉందంటూ సోషల్ మీడియా వేదికగా పెద్ద రచ్చే జరుగుతోంది. మరికొందరు డైరెక్టర్‌పై విమర్శలు చేస్తున్నారు. పాన్ ఇండియా హిట్ కొట్టాలంటే పాన్ ఇండియా సినిమానే కాపీ కొట్టాలా అని కామెంట్స్ పెడుతున్నారు. ఈ కామెంట్స్‌పై పుష్ప 2 టీమ్ ఎలా రియాక్ట్ అవుతుందో చూడాలి మరి.
మరోవైపు త్వరలోనే పుష్ఫ ప్రమోషన్స్‌ను పాట్నా, కోల్‌కతా, చెన్నై, కొచ్చి, బెంగళూరు, ముంబై, హైదరాబాద్‌లో నిర్వహించబోతున్నట్టుగా మేకర్స్ ప్రకటించారు. ఈ నెల 17న పాట్నాలో అత్యంత గ్రాండ్‌గా సినిమా ట్రైలర్ నిర్వహించబోతున్నట్టు మేకర్స్ పోస్టర్ విడుదల చేశారు.