Actress: వావ్‌.. 'నువ్వొస్తానంటే' బ్యూటీ ఇప్పుడెలా ఉందో చూశారా.? అదే క్యూట్‌నెస్‌..

Nuvvostanante Nenoddantana: కొన్ని సినిమాల్లో చిన్న పాత్రలైనా మంచి గుర్తింపును సంపాదించుకుంటాయి. పాత్ర నిడివి ఎంత సేపు ఉందన్న దాంతో సంబంధం లేకుండా ప్రేక్షకులను ఆకట్టుకుంటాయి. టాలీవుడ్‌లో అలాంటి పాత్రలు ఎన్నో ఉన్నాయి. ముఖ్యంగా నటీమణులు అలాంటి మంచి గుర్తింపు సంపాదించుకుంటారు. మొన్నటికి మొన్న ఎన్టీఆర్‌ హీరోగా వచ్చిన దేవర సినిమాలో సైడ్‌ క్యారెక్టర్‌లో నటించిన నటీమణికి ఎంతటి గుర్తింపు లభించిందో చెప్పాల్సిన పనిలేదు.

మరీ ముఖ్యంగా సోషల్‌ మీడియా అందుబాటులోకి వచ్చిన తర్వాత ఇలాంటి పాత్రల గురించి పెద్ద ఎత్తున చర్చ జరుగుతోంది. గతంలో తళుక్కుమన్న నటీమణుల గురించి కూడా ప్రస్తుతం చర్చ జరుగుతోంది. 2005లో వచ్చిన నువ్వొస్తానంటే నేను వద్దొంటానా సినిమాలో నటించిన నందిత జెన్నిఫర్‌ పాత్ర గురించి ప్రత్యేకంగా పరిచయం చేయాల్సిన పనిలేదు. ఈ సినిమాలో సిద్ధార్థ్‌ను ఇష్టపడే అమ్మాయి పాత్రలో నటించింది.

లిల్లీ పేరుతో ఉండే ఈ పాత్రకు ప్రేక్షకులు బాగా కనెక్ట్‌ అయ్యారు. ఈ బ్యూటీ పేరు నందిత జెన్నిఫర్‌. ఈ సినిమాతో తెలుగు ప్రేక్షులను మెప్పించిందీ బ్యూటీ. చేసింది చిన్న పాత్రే అయినా మంచి గుర్తింపు సంపాదించుకుంది. అయితే ఈ సినిమా తర్వాత నందిత మళ్లీ తెలుగులో పెద్దగా నటించలేదు. తమిళంలో అనే చిత్రాల్లో నటించిన నందిత. కొన్నిస్పెషల్‌ సాంగ్స్‌లో కూడా నటించి మెప్పించింది.

కాగా కేవలం సినిమాలకు మాత్రమే పరిమితం కాకుండా పలు సీరియల్స్‌లోనూ నటించింది. ఇక 2007లో కాశీవిశ్వనాథ్ అనే వ్యక్తిని పెళ్లి చేసుకున్న నందితకు ఇద్దరు పిల్లలు ఉన్నారు. ప్రస్తుతం సినిమాలకు దూరంగా ఉంటూ వస్తున్న నందిత సోషల్‌ మీడియాలో మాత్రం యాక్టివ్‌గా ఉంటున్నారు. తన లేటెస్ట్‌ ఫొటోలతో పాటు అప్‌డేట్స్‌ను ఎప్పటికప్పుడు అభిమానులతో షేర్‌ చేసుకుంటున్నారు. ఈ క్రమంలోనే తాజాగా పోస్ట్‌ చేసిన కొన్ని ఫొటోలు నెట్టింట వైరల్‌ అవుతున్నాయి.