Kalki: ప్రభాస్‌ ఫ్యాన్స్‌కు పండగే.. కల్కి సీక్వెల్‌పై క్రేజీ అప్‌డేట్‌..!

Kalki: ప్రభాస్‌ హీరోగా, నాగ్ అశ్విన్ దర్శకత్వంలో వచ్చిన కల్కి 2898 ఏడీ ఎలాంటి వండర్స్‌ క్రియేట్ చేసిందో ప్రత్యేకంగా చెప్పాల్సిన పనిలేదు. ప్రపంచవ్యాప్తంగా భారీ కలెక్షన్లను కొల్లగొట్టిందీ సినిమా. నాగ్ అశ్విన్ అద్భుత విజన్‌, ప్రభాస్‌, అమితాబ్‌, కమల్‌హాసన్‌ వంటి దిగ్గజ స్టార్స్‌ అద్భుత నటన ఈ సినిమాను విజయతీరాలకు చేర్చింది. పురాణాలను, ఆధునిక ప్రపంచాన్ని సింక్‌ చేస్తూ నాగ్ అశ్విన్ రూపొందించిన కథ ప్రేక్షకులను కొత్త లోకానికి తీసుకెళ్లింది. ఇదిలా ఉంటే ఇది కేవలం తొలి పార్ట్‌ మాత్రమే.

అసలైన కథ రెండో పార్ట్‌లో ఉంటుందని మేకర్స్‌ ఇప్పటికే పలుసార్లు తెలిపారు. సినిమా క్లైమాక్స్‌ చూసినా ఇదే విషయం అర్థమవుతోంది. కల్కి సినిమా ఏకంగా వెయ్యి కోట్లకుపైగా రాబట్టగా సీక్వెల్‌పై భారీ అంచనాలు నెలకొన్నాయి. ఇప్పటికే కల్కి సీక్వెల్‌కు సంబంధించి షూటింగ్ కూడా కొంతమేర పూర్తయిన విషయం తెలిసిందే. కల్కి పార్ట్‌ 2కి సంబంధించి మేజర్ పార్ట్స్‌ షూటింగ్‌ ఇప్పటికే పూర్తయిందని మేకర్స్ ఇది వరకే తెలిపారు. దీంతో ఈ సినిమా ఎప్పుడెప్పుడు వస్తుందా అని ఫ్యాన్స్‌ వేయి కళ్లతో ఎదురు చూస్తున్నారు.

కమల్‌హాసన్‌, అమితాబ్‌, ప్రభాస్‌ల మధ్య ఊహకందని యాక్షన్‌ సన్నివేశాలు ఉంటాయని నాగ్ అశ్విన్ పలు ఇంటర్వ్యూలో తెలిపారు. దీంతో సహజంగానే ఈ సినిమాపై క్యూరియాసిటీ పెరిగింది. ఇదిలా ఉంటే కల్కి పార్ట్1ని తీసుకొచ్చేందుకు నాగ్ అశ్విన్ ఏకంగా 4 ఏళ్లకుపైగా తీసుకున్నాడు. దీంతో పార్ట్‌2 కూడా ఆలస్యమవుతుండొచ్చని అందరూ అభిప్రాయపడుతున్నారు. అయితే తాజాగా నాగ్ అశ్విన్ మాట్లాడుతూ.. కల్కి సీక్వెల్‌కు మొదటి భాగానికి పట్టినంత సమయం పట్టదని వీలైనంత త్వరగానే సినిమాను ప్రేక్షకుల ముందుకు తీసుకొచ్చేందుకు సన్నాహాలు చేస్తున్నట్లు తెలిపారు.

ఇప్పటికే కల్కి సీక్వెల్‌కు సంబంధించిన 20 రోజుల షూటింగ్ పూర్తయినట్లు నాగ్ అశ్విన్ తెలిపారు. ఈ లెక్కన కల్కి సీక్వెల్ చిత్రం మరో రెండేళ్లలోనే థియేటర్లలోకి వచ్చే అవకాశాలు ఉన్నట్లు తెలుస్తోంది. మరి కల్కితో వండర్స్‌ క్రియేట్ చేసిన నాగ్ అశ్విన్, సీక్వెల్‌తో ఎలాంటి రికార్డులు సృష్టిస్తారో చూడాలి.