TVS XL100 Heavy Duty: మన ఊరి బండి పేదోడి బండి.. టీవీఎస్ ఎక్స్‌ఎల్‌ 100 హెవీ డ్యూటీపై ఆఫర్ల జాతర!

TVS XL100 Heavy Duty: టీవీఎస్ XL100 Heavy Duty మోపెడ్ భారతదేశంలో మరే ఇతర స్కూటర్ లేదా బైక్‌కు లేనంత ప్రజాదరణ పొందింది. దేశంలోని ప్రతి యువకుడు కనీసం ఒక్కసారైనా ఈ మోపెడ్‌ను నడిపి ఉంటారు. కోట్ల విలువైన వాహనాలు ఉన్నవారు కూడా టీవీఎస్ ఎక్స్‌ఎల్‌ను నడపడానికి ఆసక్తి చూపుతున్నారు. భారత్‌లో ఈ స్థాయి క్రేజ్ ఉన్న టీవీఎస్ ఎక్స్‌ఎల్ 100 హెవీ డ్యూటీ మోపెడ్ ధర, మైలేజీ, ఇంజన్ స్పెసిఫికేషన్‌లను ఒకసారి చూద్దాం.

టీవీఎస్ ఎక్స్‌ఎల్‌ 100 హెవీ డ్యూటీ మోపెడ్ ఎక్స్-షోరూమ్ ధర రూ. 44,999. ఈ మోపెడ్ లీటర్ పెట్రోల్‌కు 80 కిమీ మైలేజీని ఇస్తుందని కంపెనీ పేర్కొంది. వాహనం బ్లాక్, బ్లూ, గ్రీన్ అనే మూడు రంగులలో కొనడానికి అందుబాటులో ఉంది.

టీవీఎస్ ఎక్స్‌ఎల్‌ 100 హెవీ డ్యూటీ ఇంజన్ గురించి చెప్పాలంటే.. ఇందులో 99.7 cc 4 స్ట్రోక్ సింగిల్ సిలిండర్ ఇంజన్ ఉంది. ఇది 4.35 బీహెచ్ పవర్, 6.5 ఎన్ఎమ్ టార్క్ ప్రొడ్యూస్ చేస్తుంది. ఇందులో కిక్ స్టార్ట్ మాత్రమే అందిచారు.  ఈ వాహనం చిన్న వ్యాపారులకు ఇష్టమైన మోపెడ్, రోజువారీ జీవితంలో ముఖ్యమైనదిగా మారింది.

అనలాగ్ ఇన్స్ట్రుమెంట్ క్లస్టర్, డిటాచబుల్ సీట్లు, పెద్ద ఫ్లోర్ బోర్డ్ స్పేస్, ఆన్ బోర్డ్ డయాగ్నస్టిక్స్ ఇండికేటర్లు, పెట్రోల్ రిజర్వ్ ఇండికేటర్, పాస్ స్విచ్, ఇంజన్ కిల్ స్విచ్, హాలోజన్ హెడ్‌లైట్, డీఆర్ఎల్‌లు, లో ఫ్యూయల్ ఇండికేటర్ వంటి సరికొత్త ఫీచర్లను కలిగి ఉంది. 

మోపెడ్ ముందు టెలిస్కోపిక్ హైడ్రాలిక్ స్ప్రింగ్, వెనుక హైడ్రాలిక్ స్వింగ్ సస్పెన్షన్‌తో పాటు రెండు వైపులా డ్రమ్ బ్రేక్‌లు ఉన్నాయి. దాని డిజైన్ ప్రకారం టీవీఎస్ ఎక్స్‌ఎల్‌ 100 హెవీ డ్యూటీ 88 కిలోల బరువు, 130 కిలోల లోడింగ్ సామర్థ్యాన్ని కలిగి ఉంది.

టీవీఎస్ ఎక్స్‌ఎల్‌ 100 కొలతలు గురించి మాట్లాడినట్లయితే ఇది 670 mm వెడల్పు, 1895 mm పొడవు, 1077 mm పొడవు ఉంటుంది. ఇది 158 mm గ్రౌండ్ క్లియరెన్స్, 1228 mm వీల్ బేస్ కూడా కలిగి ఉంది. దీని ఇంధన సామర్థ్యం గురించి మాట్లాడితే 4 లీటర్ల ఇంధనాన్ని ఒకేసారి పూర్తిగా నింపచ్చు. ఇది లీటరుకు 80 కిమీ మైలేజీని ఇస్తుంది.

ప్రస్తుతం భారతదేశం అంతటా పండుగల సీజన్‌లో ఉన్నందున దీపావళి ముగిసే వరకు ఆఫర్‌లు ఉన్నాయి. సంబంధిత లొకేషన్‌లు, డీలర్‌షిప్‌ల ఆధారంగా ఆఫర్‌లు  డిస్కౌంట్‌లలో తేడాలు ఉంటాయి. కొత్త టీవీఎస్ ఎక్స్‌ఎల్‌ 100 హెవీ డ్యూటీని ఇంటికి తీసుకొచ్చేందుకు ఆసక్తి ఉన్నవారు సమీపంలోని డీలర్‌లను సంప్రదించవచ్చు.