జనసేన పార్టీకి భారీ షాక్ తగిలింది. ఆ పార్టీ కీలక నేత జెడి లక్ష్మి నారాయణ ఆ పార్టీకి రాజీనామా చేశారు. రాజీనామా లేఖను జనసేన అధినేత పవన్ కళ్యాణ్ కి పంపారు లక్ష్మి నారాయణ.. గత ఏడాది జరిగిన ఆంధ్రప్రదేశ్ ఎన్నికల్లో అయన జనసేన పార్టీ నుంచి పోటి చేసి ఓడిపోయారు. ఇక గత కొద్ది రోజులుగా పార్టీకి, పార్టీ కార్యక్రమాలకి దూరంగా ఉంటున్న అయన ఈ నిర్ణయం తీసుకున్నట్టుగా సమాచారం.
పవన్ సినిమాల్లో నటిస్తున్నందునే..
పవన్ కళ్యాణ్ కు రాజీనామా లేఖ రాసిన జేడీ లక్ష్మీ నారాయణ తన లేఖలో పవన్ సినిమాల్లో తిరిగి నటించడాన్ని తీవ్రంగా వ్యతిరేకించారు. పూర్తిగా ప్రజా సేవకే అంకితమన్న పవన్ తిరిగి సినిమాల్లో నటించడాన్ని విబేధించి రాజీనామా చేస్తున్నట్టు పేర్కొన్నారు. పవన్ తిరిగి సినిమాల్లో నటిస్తుండడం బాధించిందని జేడీ ఆ లేఖలో వివరించారు. ప్రజలకు సినిమాల్లో నటించానని ఇచ్చిన హామీని పవన్ తప్పారాని ఆక్షేపించారు. పవన్ కళ్యాన్ కు విధి విధానాలు లేవని అయన తీవ్ర వాఖ్యలు చేశారు.