Tecno Pop 8: తక్కువ ధరలో స్మార్ట్ ఫోన్.. 5000mAh బ్యాటరీ.. 90Hz రిఫ్రెష్ రేట్ స్క్రీన్.. ఫీచర్లే కాదు.. బడ్జెట్‌ కూడా సూపర్..!

Tecno Pop 8: టెక్ కంపెనీ TECNO తక్కువ బడ్జెట్ సెగ్మెంట్ స్మార్ట్‌ఫోన్‌ను భారs మార్కెట్‌లో ఆవిష్కరించింది. స్మార్ట్‌ఫోన్ కంపెనీ అధికారిక వెబ్‌సైట్ జాబితా చేయబడింది. కంపెనీ ధరను మాత్రం ఇంకా ప్రకటించలేదు. అయితే టెక్నో పాప్ 8 ధర రూ. 6,999 నుంచి ప్రారంభం కావచ్చని భావిస్తున్నారు. టెక్నో పాప్ 8 వెబ్‌సైట్‌లో మూడు మెమరీ వేరియంట్‌లలో జాబితా చేసింది. వీటిలో 3GB RAM + 64GB మెమరీ, 4GB RAM + 64GB మెమరీ, 4GB RAM + 128GB మెమరీ ఉన్నాయి.

ఫోన్ 90Hz రిఫ్రెష్ రేట్ స్క్రీన్, 5,000mAh వంటి స్పెసిఫికేషన్‌లతో అందించారు. మిస్టరీ వైట్, ఆల్పెంగ్లో గోల్డ్, మ్యాజిక్ స్కిన్, గ్రావిటీ బ్లాక్ కలర్స్‌లో ఈ స్మార్ట్‌ఫోన్ అందుబాటులో ఉంది.

టెక్నో పాప్ 8 స్పెసిఫికేషన్స్..

డిస్ప్లే: టెక్నో పాప్ 8 స్మార్ట్‌ఫోన్ 720 x 1612 పిక్సెల్స్ రిజల్యూషన్‌తో 6.6 అంగుళాల HD + డిస్‌ప్లేను కలిగి ఉంది. ఈ పంచ్-హోల్ స్టైల్ స్క్రీన్ LCD ప్యానెల్‌పై తయారు చేశారు. 90Hz రిఫ్రెష్ రేట్‌తో పని చేస్తుంది.

ప్రాసెసర్: పనితీరు కోసం, టెక్నో పాప్ 8 Unisoc T606 ఆక్టా-కోర్ ప్రాసెసర్‌తో అందించారు. ఇది 2.2 GHz వరకు గడియార వేగంతో నడుస్తుంది. ఈ చిప్‌సెట్ తక్కువ బడ్జెట్ స్మార్ట్‌ఫోన్‌ల కోసం ప్రత్యేకంగా రూపొందించారు.

ఆపరేటింగ్ సిస్టమ్ (OS): మొబైల్ ఆండ్రాయిడ్ 13 'గో' ఎడిషన్‌లో ప్రారంభించారు. Google Go యాప్‌లను డౌన్‌లోడ్ చేసి, గో ఎడిషన్‌లో ఇన్‌స్టాల్ చేయవచ్చు. ఇవి తక్కువ ర్యామ్, లైట్ ప్రాసెసర్‌లలో కూడా సాఫీగా పని చేస్తాయి. ఇంటర్నెట్, బ్యాటరీ వినియోగాన్ని కూడా తగ్గిస్తాయి.

మెమరీ: Tecno Pop 8 ఎక్సాపాండబుల్ RAM సాంకేతికతను కలిగి ఉంది. ఈ సాంకేతికత ఫోన్ 3GB RAM మోడల్‌కు అదనంగా 3GB RAMని. 4GB RAM వేరియంట్‌కు 4GB వర్చువల్ RAMని జోడిస్తుంది. ఇది మొబైల్‌కు 6GB RAM, 8GB RAM శక్తిని ఇస్తుంది.

కెమెరా: ఫోటోగ్రఫీ కోసం టెక్నో పాప్ 8 డ్యూయల్ రియర్ కెమెరా సెటప్ అందించారు. ఇది F/1.8 ఎపర్చరు, సెకండరీ AI లెన్స్‌తో కూడిన 13-మెగాపిక్సెల్ ప్రైమరీ సెన్సార్‌ను కలిగి ఉంది. సెల్ఫీ, వీడియో కాలింగ్ కోసం ఫోన్‌లో 8 మెగాపిక్సెల్ ఫ్రంట్ కెమెరా ఉంది.

బ్యాటరీ: పవర్ బ్యాకప్ కోసం ఫోన్ 5,000mAh బ్యాటరీకి మద్దతు ఇస్తుంది. ఈ పెద్ద బ్యాటరీని ఛార్జ్ చేయడానికి, మొబైల్ 10W ఫాస్ట్ ఛార్జింగ్ టెక్నాలజీని కలిగి ఉంది.