Oppo Find X8: నేడే ఒప్పో కొత్త ఫోన్‌ సేల్‌.. లాంచింగ్‌ ఆఫర్‌లో భారీ డిస్కౌంట్‌..!

Oppo Find X8: చైనాకు చెందిన ప్రముఖ స్మార్ట్‌ ఫోన్‌ తయారీ సంస్థ ఒప్పో భారత మార్కెట్లోకి ఇటీవల కొత్త ఫోన్‌ను లాంచ్‌ చేసింది. ఒప్పో ఫైండ్‌ ఎక్స్‌8 సిరీస్‌ పేరుతో ఈ ఫోన్‌ను తీసుకొచ్చారు. ఇప్పటికే మార్కెట్లోకి లాంచ్‌ అయిన ఈ ఫోన్‌ తొలి సేల్‌ డిసెంబర్ 3వ తేదీ నుంచి ప్రారంభమైంది. ఇందులో భాగంగానే లాంచింగ్ ఆఫర్‌లో ఫోన్‌పై భారీ డిస్కౌంట్‌ను అందిస్తున్నారు. ఒప్పో ఫైండ్‌ ఎక్స్‌8 సిరీస్‌ ధర ఎంత.? ఇందులో ఎలాంటి ఫీచర్లు ఉండనున్నాయి.? లాంటి పూర్తి వివరాలు ఇప్పుడు తెలుసుకుందాం.

ఒప్పో ఫైండ్‌ ఎక్స్‌8 సిరీస్‌లో భాగంగా ఒప్పో ఫైండ్‌ ఎక్స్‌8, ఒప్పో ఫైండ్‌ ఎక్స్‌ 8ప్రో పేర్లతో రెండు ఫోన్‌లను తీసుకొచ్చారు. ధర విషయానికొస్తే ఒప్పో ఫైండ్‌ ఎక్స్‌8 ప్రో ధర రూ. 99,999గా ఉండగా లాంచింగ్‌ ఆఫర్‌లో భాగంగా రూ. 82,000కే సొంతం చేసుకోవచ్చు. అలాగే ఒప్పో ఫైండ్‌ ఎక్స్‌ ధర రూ. 69,999గా ఉండగా అన్ని డిస్కౌంట్స్‌ను కలుపుకుని రూ. 55 వేలకే సొంతం చేసుకోవచ్చు. వీటితో పాటు SBI, HDFC బ్యాంక్, కోటక్ బ్యాంక్, బ్యాంక్ ఆఫ్ బరోడా, IDFC ఫస్ట్ బ్యాంక్‌లకు చెందిన కార్డులతో కొనుగోలు చేస్తే అదనంగా 10 శాతం డిస్కౌంట్ లభిస్తోంది. ఇక మీ పాత ఫోన్‌ను ఎక్స్ఛేంజ్‌ చేసుకోవడం ద్వారా రూ. 5000 వరకు డిస్కౌంట్‌ను పొందొచ్చు.

ఇక ఫీచర్ల విషయానికొస్తే ఒప్పో ఫైండ్‌ ఎక్స్‌8లో 6.95 ఇంచెస్‌తో కూడిన అమోఎల్‌డీ డిస్‌ప్లేను అందించారు. 120 హెచ్‌జెడ్‌ డైనమిక్‌ రిఫ్రెష్‌ రేట్‌కు ఈ స్క్రీన్‌ సపోర్ట్ చేస్తుంది. ప్రొటెక్షన్‌ కోసం ఇందులో కార్నింగ్ గొరిల్లా గ్లాస్‌ ప్రొటెక్షన్‌ను అందించారు. ఈ ఫోన్‌ మీడియాటెక్‌ డైమెన్సిటీ 9400 ప్రాసెసర్‌తో పనిచేస్తుంది. ఇందులో సెల్ఫీలు, వీడియో కాల్స్‌ కోసం 32 ఎంపీతో కూడిన ఫ్రంట్‌ కెమెరాను అందించారు. అలాగే అధునాతన టెక్నాలజీతో కూడిన పలు ఏఐ ఫీచర్లను అందించారు.

80 వాట్స్‌ సూపర్వూక్‌ వైర్డ్‌ ఛార్జింగ్‌కు, 50 వాట్స్‌ ఎయిర్‌వూక్‌ వైర్‌లెస్‌ ఛార్జింగ్‌కు సపోర్ట్‌ చేసే 5630 ఎమ్‌ఏహెచ్‌ బ్యాటరీని అందించారు. ఆండ్రాయిడ్ 15 ఆపరేటింగ్ సిస్టమ్‌తో పనిచేస్తుంది.

ఒప్పో ఫైండ్‌ ఎక్స్‌8 ప్రో విషయానికొస్తే.. ఇందులో 6.78 ఇంచెస్‌తో కూడిన అమోఎల్‌ఈడి ఇన్ఫినిట్ వ్యూ డిస్‌ప్లేను అందించారు. 120 Hz రిఫ్రెష్ రేట్‌కు ఈ స్క్రీన్ సపోర్ట్‌ చేస్తుంది. స్క్రీన్‌ ప్రొటెక్షన్‌ కోసం ఇందులో గొరిల్లా గ్లాస్ ప్రొటెక్షన్‌ను అందించారు. దుమ్ము, వాటర్‌ రెసిస్టెంట్‌ కోసం ఇందులో ఐపీ68, ఐపీ69 రేటింగ్‌ను ఇచ్చారు. ఈ ఫోన్‌ Mediatek డైమెన్సిటీ 9400 ప్రాసెసర్‌తో పనిచే్సతుంది. ఇందులో 50 ఎంపీ రెయిర్‌ కెమెరా, 32 ఎంపీతో కూడిన ఫ్రంట్‌ కెమెరాను అందించారు. బ్యాటరీ విషయానికొస్తే 80 వాట్స్‌ సూపర్‌వూక్‌ వైర్డ్‌ ఛార్జింగ్‌, 50 వాట్స్‌ ఎయిర్‌వూక్‌ వైర్‌లెస్‌ ఛార్జింగ్‌కు సపోర్ట్‌ చేసే 5910 ఎమ్‌ఏహెచ్‌ కెపాసిటీ బ్యాటరీని అందించారు.