OnePlus 13 Launch: వన్‌ప్లస్ తన తాజా ఫ్లాగ్‌షిప్ స్మార్ట్‌ఫోన్ OnePlus 13ని చైనాలో విడుదల చేసింది. ఈ ఫోన్ 6.82-అంగుళాల 2K+ LTPO AMOLED డిస్ప్లే, స్నాప్‌డ్రాగన్ 8 ఎలైట్ ప్రాసెసర్, పెద్ద 6000mAh బ్యాటరీని కలిగి ఉంది. ఈ ఫోన్ ధర, ఫీచర్ల గురించి వివరంగా తెలుసుకుందాం.
OnePlus 13 Specifications
ఈ స్మార్ట్‌ఫోన్ 6.82-అంగుళాల BOE X2 2K+ AMOLED డిస్‌ప్లేను కలిగి ఉంది. ఇది 4500 nits పీక్ బ్రైట్‌నెస్, DisplayMate A++ రేటింగ్‌తో వస్తుంది. ఈ ఫోన్ డాల్బీ విజన్, క్రిస్టల్ షీల్డ్ సిరామిక్ గ్లాస్ ప్రొటెక్షన్‌తో గొప్ప కలర్, క్లియర్ వ్యూ అనుభవాన్ని అందిస్తుంది. డిస్ప్లే 120Hz రిఫ్రెష్ రేట్‌కు సపోర్ట్ ఇస్తుంది, ఇది గేమింగ్, వీడియో స్ట్రీమింగ్‌ను స్మూత్‌‌గా రన్ చేస్తుంది.
OnePlus 13 స్నాప్‌డ్రాగన్ 8 ఎలైట్ చిప్‌సెట్‌ను ఉపయోగిస్తుంది, 24GB LPDDR5X RAM,1TB వరకు UFS 4.0 స్టోరేజ్‌తో లింకై ఉంటుంది. ఇది కాకుండా 9925mm² VC హీట్ డిస్సిపేషన్ ఏరియా కారణంగా, ఇది వేడెక్కకుండా అద్భుతమైన పనితీరును అందిస్తుంది.
ఈ OnePlus ఫోన్‌లో 6000mAh డ్యూయల్-సెల్ బ్యాటరీ ఉంది, ఇది 100W SuperVOOC ఫాస్ట్ ఛార్జింగ్, 50W వైర్‌లెస్ ఛార్జింగ్‌కు సపోర్ట్ ఇస్తుంది. ఈ బ్యాటరీని కేవలం 36 నిమిషాల్లో 100 శాతం ఛార్జ్ చేయచ్చు. ఇది చాలా సౌకర్యవంతంగా ఉంటుంది. అదనంగా,ఫోన్ IP68 + IP69 రేటింగ్‌ను కలిగి ఉంది. ఇది డస్ట్, వాటర్ ప్రూఫ్‌గా చేస్తుంది.
కెమెరా గురించి మాట్లాడితే ఇది 50MP Sony LYT-808 ప్రైమరీ సెన్సార్‌ను కలిగి ఉంది. 50MP 3X పెరిస్కోప్ టెలిఫోటో కెమెరా, 50MP 120 డిగ్రీ అల్ట్రా-వైడ్ కెమెరా ఉన్నాయి. Hasselblad కెమెరా సిస్టమ్‌కు సపోర్ట్‌తో ఈ కెమెరా ఫోటో, వీడియో క్వాలిటీని కూడా మెరుగుపరుస్తుంది. దీని వలన వినియోగదారులు 8K వరకు వీడియోను రికార్డ్ చేయచ్చు.
ఈ ఫోన్ అబ్సిడియన్ (ఎబోనీ వుడ్ గ్రెయిన్ గ్లాస్), బ్లూ (స్కిన్-ఫ్రెండ్లీ వెల్వెట్ లెదర్), వైట్ (న్యూ సిల్క్ గ్లాస్ టెక్నాలజీ) అనే మూడు రంగులలో వస్తుంది. ఇది మెరుగైన యాంటెన్నా పనితీరు కోసం అల్ట్రా-ఇరుకైన మైక్రో-ఆర్క్ ఫ్రేమ్, కొత్త అలర్ట్ స్లైడర్‌ను కూడా కలిగి ఉంది.
ఈ స్మార్ట్‌ఫోన్ 12GB + 256GB వేరియంట్ ధర 4499 యువాన్ (సుమారు రూ. 53,150), అయితే టాప్-ఎండ్ 24GB + 1TB వేరియంట్ ధర 5999 యువాన్ (సుమారు రూ. 70,860).