Smartwatch: తక్కువ ధరలో స్టైలిష్‌ స్మార్ట్‌వాచ్‌.. బ్లూటూత్‌ కాలింగ్‌తో పాటు అనేక ఫీచర్లు..!

Smartwatch: ఈ రోజుల్లో స్మార్ట్‌వాచ్‌ల ట్రెండ్‌ విపరీతంగా పెరిగింది. ముఖ్యంగా యూత్‌ ఎక్కువగా అట్రాక్ట్‌ అవుతోంది. దీంతో పలు కంపెనీలు రకరకాల ఫీచర్లతో స్మార్ట్‌ వాచ్‌లని విడుదల చేస్తున్నాయి. తాజాగా ఫైర్-బోల్ట్ కంపెనీ ఫైర్-బోల్ట్ ఫీనిక్స్ అమోలెడ్ అల్ట్రా ఏస్ స్మార్ట్‌వాచ్ పేరుతో కొత్త స్మార్ట్‌వాచ్‌ను విడుదల చేసింది. ఇది బ్లూటూత్ కాలింగ్‌తో వస్తుంది. 1.43-అంగుళాల అమోల్డ్‌ డిస్‌ప్లేను కలిగి ఉంటుంది. ఈ స్మార్ట్‌ వాచ్‌ రౌండ్‌ డిజైన్, రోలబుల్ క్రౌన్‌తో కూడిన మెటాలిక్ బాడీతో ఉంటుంది. దీని ధర, ఫీచర్ల గురించి తెలుసుకుందాం.

Fire-Boltt Phoenix AMOLED Ultra Ace Smartwatch

ఫీనిక్స్ అమోల్డ్‌ అల్ట్రా ఏస్ అనేది ఫైర్-బోల్ట్ కమాండో తర్వాత విడుదలైన రెండో స్మార్ట్ వాచ్. దీని పెద్ద అమోల్డ్‌ స్క్రీన్ 466 x 466 పిక్సెల్‌ రిజల్యూషన్‌తో వచ్చింది. బ్లూటూత్ కాలింగ్ కోసం ఇన్‌బిల్ట్‌ మైక్రోఫోన్, స్పీకర్‌ను కలిగి ఉంటుంది. ఇది AI వాయిస్ అసిస్టెంట్, ఫైర్-బోల్ట్ హెల్త్ సూట్‌కు సపోర్ట్‌ చేస్తుంది. 110+ స్పోర్ట్స్ మోడ్‌లను అనేక ఇన్‌బిల్ట్‌ గేమ్‌లను కలిగి ఉంది.

Fire-Bolt Phoenix Ultra Ace స్మార్ట్‌వాచ్‌లో స్మార్ట్ నోటిఫికేషన్‌లు, వాతావరణ అప్‌డేట్‌లు, సంగీతం, కెమెరా కంట్రోల్‌, స్టాప్‌వాచ్, అలారం, టైమర్ వంటి అనేక ఫీచర్లు ఉంటాయి. ఇది గోల్డ్, సిల్వర్, బ్లాక్ రంగులలో లభిస్తుంది. దీని ధర రూ.2,499. దీనిని ఫైర్-బోల్ట్ వెబ్‌సైట్ లేదా అమెజాన్ ఇండియా నుంచి కొనుగోలు చేయవచ్చు.