Smart Watch: మార్కెట్‌లోకి మరో కొత్త స్మార్ట్‌వాచ్‌.. ధర కేవలం రూ.1300 లోపే..!

Smart Watch: ఈ రోజుల్లో స్మార్ట్‌వాచ్‌ ట్రెండ్‌ బాగా పెరిగింది. యువత ఎక్కువగా వీటివైపు మొగ్గు చూపుతున్నారు. స్మార్ట్‌ఫోన్‌ల తర్వాత స్మార్ట్‌వాచ్‌లకు ఎక్కువ ప్రియారిటీ ఇస్తున్నారు. అయితే ఇప్పుడు మార్కెట్‌లోకి మరో కొత్త స్మార్ట్‌వాచ్‌ రాబోతుంది. కేవలం రూ.1000 నుంచి రూ.1500 లోపు అందుబాటులో ఉంటుంది. boAt కంపెనీ ఈ గొప్ప స్మార్ట్‌వాచ్‌ని విడుదల చేస్తోంది. దీనికి boAt Lunar Comet అని పేరు పెట్టారు. ఇందులో చాలా గొప్ప ఫీచర్లు ఉన్నాయి. దీని ధర, ఇతర వివరాలు తెలుసుకుందాం.

బోట్ లూనార్ కామెట్

బోట్‌ లూనార్ కామెట్ అనేది గుండ్రటి 1.39-అంగుళాల డిస్‌ప్లేతో వచ్చిన కొత్త స్మార్ట్‌వాచ్. డిస్ప్లే 240 x 240 పిక్సెల్ రిజల్యూషన్, 500 నిట్స్ పీక్ బ్రైట్‌నెస్, కుడి వైపున ఫంక్షనల్ క్రౌన్‌ను అందిస్తుంది. ఈ స్క్రీన్ సిలికాన్ లేదా మెటాలిక్ స్ట్రాప్‌తో ఉంటుంది. ఇది wake gesture ఫీచర్‌తో వస్తుంది. కాబట్టి మీరు ఎలాంటి బటన్‌లను నొక్కాల్సిన అవసరం ఉండదు.

స్మార్ట్ వాచ్ అనేది ఆరోగ్యం, ఫిట్‌నెస్, జీవనశైలిని ట్రాక్ చేయడంలో సహాయపడే శక్తివంతమైన పరికరం. ఇది 100 కంటే ఎక్కువ వాచ్ ఫేస్‌లకు సపోర్ట్‌ ఇస్తుంది. బ్లూటూత్ కాలింగ్‌ చేసుకోవచ్చు. కాబట్టి ఫోన్ లేకుండానే కాల్స్‌ను రిసీవ్‌ చేసుకోవచ్చు.

ఈ స్మార్ట్ వాచ్‌లో హార్ట్ రేట్ ట్రాకింగ్, SpO2 బ్లడ్ ఆక్సిజన్ లెవెల్ మ్యాపింగ్, ఫిమేల్ మెన్‌స్ట్రువల్ సైకిల్ మ్యాపింగ్, స్లీప్ మానిటర్, కెమెరా కంట్రోల్, మ్యూజిక్ కంట్రోల్, ఫైండ్ మై ఫోన్, IP67 వాటర్ అండ్ డస్ట్ రెసిస్టెన్స్, బోట్ క్రెస్ట్ యాప్ సపోర్ట్ వంటి అనేక ఫీచర్లు ఉన్నాయి.

బోట్ లూనార్ కామెట్ ధర

boAt Lunar Comet Smartwatch సెప్టెంబర్ 30, 2023న రూ.1,299కి అందుబాటులో ఉంటుంది. ఇది యాక్టివ్ బ్లాక్, డీప్ పర్పుల్, ఆలివ్ గ్రీన్, రాయల్ ఆరెంజ్, మెటల్ గ్రే రంగులలో వస్తుంది.