IND vs BAN 2 Test: టెస్ట్‌ల్లో తుఫాన్ బ్యాటింగ్.. సెహ్వాగ్ రికార్డ్‌ను మడతెట్టేసిన టీమిండియా యంగ్ సెన్సెషన్..!

Fastest 50s for India in Tests: కాన్పూర్‌లో బంగ్లాదేశ్‌తో జరిగిన రెండో టెస్టులో భారత సూపర్ స్టార్ బ్యాట్స్‌మెన్ యశస్వి జైస్వాల్ తన తుఫాన్ బ్యాటింగ్‌తో అందరి హృదయాలను గెలుచుకున్నాడు. భారత్ తొలి ఇన్నింగ్స్‌లో తుఫాను బ్యాటింగ్ చేసి బంగ్లాదేశ్ బౌలింగ్‌ను చిత్తు చేశాడు. యశస్వి మైదానం అంతా షాట్లు కొట్టి అద్భుత అర్ధశతకం సాధించాడు. అతని ఇన్నింగ్స్ టీమ్ ఇండియాకు వేగవంతమైన ప్రారంభాన్ని అందించింది.

యశస్వి తుఫాను ఆరంభం..

యశస్వికి కెప్టెన్ రోహిత్ శర్మ నుంచి మంచి మద్దతు లభించింది. ఇద్దరూ కలిసి 3 ఓవర్లలో 50 పరుగులు చేశారు. టెస్టు క్రికెట్‌లో ఏ జట్టుకైనా ఇదే అత్యంత వేగవంతమైన అర్ధశతకం. 51 బంతుల్లో 72 పరుగులు చేసి యశస్వి ఔటయ్యాడు. అతని ఇన్నింగ్స్‌లో 12 ఫోర్లు, 2 సిక్సర్లు బాదాడు. టెస్టులో ఈ లెఫ్ట్‌ హ్యాండ్‌ బ్యాట్స్‌మన్‌ టీ20లా బ్యాటింగ్‌ చేశాడు. అతని స్ట్రైక్ రేట్ 141.18. 11 బంతుల్లో 23 పరుగులు చేసి కెప్టెన్ రోహిత్ ఔటయ్యాడు.

రోహిత్, శుభ్‌మన్‌తో 50+ పరుగుల భాగస్వామ్యం..

రోహిత్‌తో కలిసి యశస్వి తొలి వికెట్‌కు 3.5 ఓవర్లలో 51 పరుగుల భాగస్వామ్యాన్ని నెలకొల్పాడు. దీని తర్వాత అతనికి శుభమన్ గిల్ మద్దతు లభించింది. వీరిద్దరూ రెండో వికెట్‌కు 72 పరుగుల భాగస్వామ్యం నెలకొల్పారు. ఈ సమయంలో భారత్ టెస్టులో మరో రికార్డు సృష్టించింది. ఒక ఇన్నింగ్స్‌లో అత్యంత వేగంగా 100 పరుగులు చేసిన దేశంగా భారత్ నిలిచింది. కేవలం 10.1 ఓవర్లలోనే టీమిండియా 100 పరుగులు పూర్తి చేసింది.

చరిత్ర సృష్టించిన యశస్వి..

బంగ్లాదేశ్‌తో జరిగిన టెస్టు మ్యాచ్‌లో అత్యంత వేగంగా అర్ధశతకం సాధించిన ఆటగాడిగా యశస్వి నిలిచాడు. కేవలం 31 బంతుల్లోనే అర్ధ సెంచరీ పూర్తి చేశాడు. బంగ్లాదేశ్‌పై అత్యంత వేగంగా అర్ధశతకం సాధించిన జింబాబ్వేకు చెందిన బ్రాండన్ టేలర్ రికార్డును యశస్వి బద్దలు కొట్టాడు. 2021లో హరారే క్రికెట్ గ్రౌండ్‌లో టేలర్ 33 బంతుల్లో ఫిఫ్టీ సాధించాడు.

సెహ్వాగ్‌ని అధిగమించిన యశస్వి..

భారత్ తరపున అత్యంత వేగవంతమైన హాఫ్ సెంచరీ సాధించిన జాబితాలో యశస్వి సంయుక్తంగా మూడో స్థానానికి చేరుకున్నాడు. అతను మాజీ తుఫాన్ ఓపెనర్ వీరేంద్ర సెహ్వాగ్‌ను విడిచిపెట్టాడు. 2008లో చెన్నైలో ఇంగ్లండ్‌పై సెహ్వాగ్ 32 బంతుల్లో హాఫ్ సెంచరీ సాధించాడు. యశస్వి శార్దూల్ ఠాకూర్‌ను సమం చేశాడు. 2021లో ఓవల్‌లో ఇంగ్లండ్‌పై శార్దూల్ కేవలం 31 బంతుల్లోనే అర్ధ సెంచరీ సాధించాడు.

టెస్టుల్లో భారత్ తరపున వేగవంతమైన హాఫ్ సెంచరీ..

28 బాల్స్- రిషబ్ పంత్ vs శ్రీలంక, బెంగళూరు, 2022

30 బాల్స్- కపిల్ దేవ్ vs పాకిస్థాన్, కరాచీ, 1982

31 బాల్స్- శార్దూల్ ఠాకూర్ vs ఇంగ్లాండ్, ది ఓవల్, 2021

31 బాల్స్- యశస్వి జైస్వాల్ vs బంగ్లాదేశ్, కాన్పూర్, 2004

32 బాల్స్ సెహ్వాగ్ vs ఇంగ్లాండ్, చెన్నై, 2008