Champions Trophy 2025: ఛాంపియన్స్ ట్రోఫీ 2025కి ముందు కష్టాల్లో భారత్ .. వరుసగా గాయాల పాలవుతున్న ఆటగాళ్లు..!

Champions Trophy 2025: జస్ప్రీత్ బుమ్రా, మహమ్మద్ షమీ భారత క్రికెట్ జట్టును ఆదుకునే అద్భుతమైన బౌలర్లు. వారి ప్రదర్శనపై జట్టు విజయం ఆధారపడి ఉంటుంది. అయితే గాయాల కారణంగా ఈ ఇద్దరు ఫాస్ట్ బౌలర్లు జట్టును ఆందోళనకు గురిచేస్తున్నారు. ఇటీవల ఆస్ట్రేలియాతో జరిగిన టెస్టు సిరీస్‌లో బుమ్రా గాయపడడం భారత జట్టుకు మింగుడు పడని విషయం. అదే సమయంలో, షమీ కూడా పూర్తిగా ఫిట్‌గా లేడు. ఐసిసి ఛాంపియన్స్ ట్రోఫీ 2025లో బౌలర్లిద్దరూ పాల్గొనడంపై సందేహం పెరిగింది.

మహ్మద్ షమీ 2024లో రంజీ ట్రోఫీ , సయ్యద్ ముస్తాక్ అలీ ట్రోఫీ సమయంలో దేశవాళీ క్రికెట్‌కు తిరిగి వచ్చాడు. కానీ అతని మోకాలి సమస్య కారణంగా మళ్లీ జట్టు నుంచి తప్పుకోవాల్సి వచ్చింది. బోర్డర్-గవాస్కర్ ట్రోఫీ కోసం అతన్ని ఆస్ట్రేలియాకు పంపకపోవడానికి ఇది కారణం. అతను విజయ్ హజారే ట్రోఫీ ప్రారంభ మ్యాచ్‌లలో కూడా ఆడలేకపోయాడు. విజయ్ హజారే ట్రోఫీలో షమీ బెంగాల్‌కు తిరిగి వచ్చినప్పుడు, అతని ప్రదర్శన సాధారణం, 1/28, 1/40 మాత్రమే నమోదు చేయగలిగాడు.

ఇంగ్లండ్‌తో జరిగే వన్డే సిరీస్, ఛాంపియన్స్ ట్రోఫీ 2025కి ఆడకపోవచ్చని మహ్మద్ షమీ గురించి నివేదికలు ఉన్నాయి. అయితే అతను పూర్తిగా ఫిట్‌గా ఉండే వరకు అతను మైదానంలోకి తిరిగి రాకూడదని నిపుణులు భావిస్తున్నారు. అతను త్వరగా తిరిగి రావడం గాయం సమస్యను మరింత పెంచుతుంది. ఇది అతని కెరీర్‌ను ప్రభావితం చేయవచ్చు.

బుమ్రా-షమీ గాయాల కారణంగా భారత్ కలలు కల్లలవుతాయా?

జస్ప్రీత్ బుమ్రా, మహ్మద్ షమీ ఇద్దరూ ఛాంపియన్స్ ట్రోఫీకి దూరమైతే అది భారత జట్టుకు పెద్ద దెబ్బే. అయితే ఈ ఇద్దరు ఆటగాళ్లను వెనక్కి తీసుకురావడానికి బీసీసీఐ తొందరపడకూడదు. పూర్తిగా ఫిట్‌గా ఉండకముందే వారిద్దరినీ ఆడమని ఒత్తిడి చేయడం జట్టుకు హానికరం.