Sachin Tendulkar: అయోధ్య‌లో స‌చిన్.. ప్రాణ ప్ర‌తిష్ఠ వేడుక‌కు త‌ర‌లివెళ్తున్న క్రికెట్ దిగ్గ‌జాలు

Sachin Tendulkar: అయోధ్య‌లో బాల రాముడి ప్రాణ ప్ర‌తిష్ఠ నేప‌థ్యంలో దేశ‌మంతా రామ‌నామ స్మ‌ర‌ణ‌తో మార్మోగిపోతోంది. ప్రాణ ప్ర‌తిష్ఠ కార్య‌క్ర‌మంలో పాల్గొనడానికి సినీ, రాజ‌కీయ‌, క్రీడా దిగ్గ‌జాలు అయోధ్య‌కు వస్తున్నారు. భార‌త క్రికెట్ దిగ్గ‌జం స‌చిన్ టెండూల్క‌ర్(Sachin Tendulkar) అయోధ్య చేరుకున్నాడు. సోమ‌వారం ముంబై నుంచి అయోధ్య‌కు విమానంలో బ‌య‌ల్దేరిన స‌చిన్ మ‌హ‌ర్షి వాల్మీకి విమానాశ్ర‌యంలో దిగాడు. అక్క‌డ స‌చిన్ టెండూల్క‌ర్ కి ఘ‌న స్వాగ‌తం ల‌భించింది. తరవాత స‌చిన్ టెండూల్క‌ర్ అక్కడ నుంచి కారులో కొత్త‌గా నిర్మించిన రామ మందిరానికి వెళ్లారు. మ‌ధ్యాహ్నం 12ః20 గంట‌ల‌కు జ‌రిగే బాల రాముడి(Ram Lalla) ప్రాణ ప్ర‌తిష్ఠ కార్య‌క్ర‌మంలో స‌చిన్ టెండూల్క‌ర్ పాల్గొన‌నున్నాడు.