IPL 2020 New Logo : ఐపీఎల్ కొత్త లోగో ఎలా ఉందో చూశారా?

IPL 2020 New Logo : క్రికెట్ అభిమానులకి ఫుల్ జోష్ ని అందించడానికి రెడీ అవుతుంది ఐపీఎల్.. వచ్చే నెల (సెప్టెంబర్) 19 నుంచి ఈ ఏడాది సీజన్ మొదలు కానుంది.. కరోనా వలన ఈ సారి వేదికను దుబాయ్ కి మార్చిన సంగతి తెలిసిందే.. ఇప్పటికే మూడు జట్లు అక్కడికి చేరుకున్నాయి.. అక్కడ జరిగే మ్యాచ్ ను ఇంట్లో కూర్చొని చూసేందుకు ఐపీఎల్ ఫ్యాన్స్ తెగ తొందర పడుతున్నారు.

ఇక ఈ ఏడాది ఐపీఎల్ కి స్పాన్సర్ మారిన సంగతి తెలిసిందే. భారత్‌-చైనా సరిహద్దుల్లో ఉద్రిక్త పరిస్థితులు నెలకొన్న నేపధ్యంలో వస్తువుల బహిష్కరణ కారణంగా టైటిల్‌ స్పాన్సర్‌గా ఉన్న మొబైల్‌ సంస్థ వివో ఈ ఏడాది ఒప్పందాన్ని రద్దు చేసుకుంది. ఇప్పుడు దాని స్థానంలో ఐపీఎల్ కు కొత్త స్పాన్సర్ వచ్చేసింది. అదే డ్రీమ్‌ 11 అనే ఫాంటసీ గేమింగ్‌ సంస్థ..

ఈ సంస్థ ఈ ఏడాది టైటిల్‌ స్పాన్సర్‌ గాను ఏకంగా రూ.222 కోట్లకు ఈసారి ఆ హక్కులను దక్కించుకుంది. ఈ నేపథ్యంలో ఐపీఎల్ లోగో కూడా మారిపోయింది. ఐపీఎల్ తో డ్రీమ్ 11 సంస్థ పేరును కూడా కలిపి కొత్త లోగో వచ్చేసింది. దీనికి సంబంధించిన ఫొటోను ముంబయి ఇండియన్స్‌ జట్టు తమ ఇన్‌స్టాగ్రామ్‌లో అభిమానులతో పంచుకుంది.

దుబాయ్ వేదికగా సెప్టెంబరు 19 నుంచి నవంబరు 10 వరకూ ఐపీఎల్ 2020 సీజన్ మ్యాచ్‌లు జరగనున్నాయి.. మొత్తం 53 రోజుల పాటు 60 మ్యాచ్‌ లు జరగనున్నాయి.. కరోనా నేపద్యంలో జరుగుతున్న సీజన్ కావడంతో ఆటగాళ్ళను నెల రోజుల ముందే అక్కడికి చేర్చాలని ఫ్రాంఛైజీలకి బీసీసీఐ ఆదేశాలు జారీ చేసింది.. ఇక ఇప్పటికే అక్కడికి కింగ్స్ ఎలెవన్ పంజాబ్, రాజస్థాన్ రాయల్స్, కోల్‌కతా నైట్‌రైడర్స్ ఆటగాళ్లు చేరుకోగా, ఈరోజు మిగిలిన జట్లు అక్కడికి చేరుకోనున్నాయి.