IND vs NZ: హైదరాబాద్‌ ఉప్పల్‌ వేదికగా జరగనున్న మ్యాచ్‌

IND vs NZ: ఇవాళ హైదరాబాద్‌కు భారత ఆటగాళ్లు చేరుకోనున్నారు. ఈ నెల 18న న్యూజిలాండ్‌తో భారత్‌ తొలి వన్డే ఉప్పల్‌ వేదికగా జరగనుంది. ఇప్పటికే ఈ మ్యాచ్‌కు సంబంధించి టికెట్ల అమ్మకాలు దాదాపు పూర్తయ్యాయి. ఆన్‌లైన్‌లో టికెట్లు బుక్‌ చేసుకున్న క్రికెట్‌ అభిమానులకు ఇవాళ గచ్చిబౌలి, ఎల్బీస్టేడియంలో టికెట్ల పంపిణీ చేస్తున్నారు. మధ్యాహ్నం 3 గంటల వరకు టికెట్ల పంపిణీ చేయనున్నారు నిర్వాహకులు. మరోవైపు.. జింఖానా గ్రౌండ్స్‌ ఘటనతో HCA అప్రమత్తమైంది. టికెట్ల పంపిణీ సమయంలో తొక్కిసలాట జరగకుండా జాగ్రత్తలు తీసుకుంది. గచ్చిబౌలి స్టేడియంలో సెక్షన్ల ప్రకారం 8 కౌంటర్లలో టికెట్ల పంపిణీ చేపట్టారు. స్టేడియం దగ్గర బారికేడ్లతో పాటు పోలీస్‌, ప్రైవేట్‌ బౌన్సర్లతో బందోబస్తు ఏర్పాటు చేశారు. భారత్‌తో మూడు వన్డేలతో పాటు మూడు టీ20 మ్యాచ్‌లను ఆడనుంది కివీస్.