IND vs SA: దక్షిణాఫ్రికా 83 ఆలౌట్‌.. టీమిండియా ఘన విజయం

IND vs SA: వన్డే ప్రపంచకప్‌లో టీమిండియా జైత్ర యాత్ర కొనసాగుతోంది. వరుసగా ఎనిమిదో విజయాన్ని ఖాతాలో వేసుకుంది. ఇవాళ్టి మ్యాచ్‌లో దక్షిణాఫ్రికాపై ఘన విజయం సాధించింది భారత్‌. 243 పరుగుల తేడాతో సఫారి జట్టును చిత్తు చేసింది. భారత బౌలర్ల ధాటికి దక్షిణాఫ్రికా బ్యాటర్లు..కుప్పకూలారు. 5 వికెట్లతో రవీంద్ర జడేజా రాణించారు. తొలుత బ్యాటింగ్ చేసిన భారత్‌ 50 ఓవర్లలో 5వికెట్లు కోల్పోయి.. 326 పరుగులు చేసింది. భారీ టార్గె‌ట్‌తో క్రిజులోకి దిగిన దక్షిణాఫ్రికా 83 పరుగులకే ఆలౌట్‌ అయింది. జడేజా 5, షమి 2, కుల్దీప్‌ 2, సిరాజ్‌ ఒక వికెట్‌ తీశారు. 101 పరుగులతో కోహ్లీ కెరీర్‌లో 49వ సెంచరీ చేశారు. శ్రేయస్‌ 77, రోహిత్‌ 40పరుగులతో రాణించారు. మ్యాచ్ అనంతరం ప్లేయర్‌ ఆఫ్‌ ది మ్యాచ్‌ను విరాట్‌ కోహ్లీకి అందజేశారు. పాయింట్ల పట్టికలో అగ్రస్థానంలో కొనసాగుతోంది టీమిండియా.