IPL 2025: ఫ్యాన్స్‌కు షాకింగ్ న్యూస్.. IPLలో 5 జట్ల కెప్టెన్లు ఔట్.. జాబితాలో ఊహించని పేర్లు

IPL 2025 Teams Captains: IPL 2025 రాబోయే సీజన్‌లో చాలా మార్పులు జరగబోతున్నాయి. వచ్చే సీజన్‌కు ముందు, ఐపిఎల్‌లో పెద్ద వేలం (IPL 2025 Mega Auction) ఉంటుంది. ఇందులో మొత్తం పది జట్ల కొత్త లుక్ కనిపిస్తుంది. రిటైన్ చేసే నంబర్ ధృవీకరించబడనప్పటికీ, చాలా మంది ఆటగాళ్లు వేలంలో టీంలు మారే అవకాశం ఉంది. జట్ల మార్పులపై ఇప్పటికే మీడియాలో పలు ఊహాగానాలు సాగుతున్నాయి. భారత క్రికెట్‌లోని కొన్ని ఉన్నత స్థాయి పేర్లు కొత్త జట్లలో చోటు సంపాదించడానికి ప్రయత్నించవచ్చు. తమ కెప్టెన్‌ని మార్చగల 5 జట్ల గురించి ఇప్పుడు తెలుసుకుందాం..

ఆర్సీబీలో కేఎల్ రాహుల్‌ను కెప్టెన్‌గా చేయడంపై సర్వత్రా చర్చ జరుగుతోంది. ఫాఫ్ డుప్లెసిస్ తన కెరీర్ చివరి దశలో ఉన్నందున, కర్ణాటక ఆటగాడు, ఫ్రాంచైజీలలో ఆడిన అనుభవం ఉన్న రాహుల్ నాయకత్వ పాత్రను పోషించడానికి సరైన ఆటగాడు. RCB తమ భవిష్యత్తును నడిపించడానికి రాహుల్ సరైన ఎంపిక కావచ్చు.

ఈ ఏడాది లక్నో సూపర్‌జెయింట్స్‌తో కేఎల్ రాహుల్ విడిపోతారని చాలా చర్చలు జరుగుతున్నాయి. గత సీజన్‌లో LSG మేనేజ్‌మెంట్‌తో వివాదం తర్వాత, ఫ్రాంచైజీ అతనిని కొనసాగించే అవకాశం లేదు. LSG కొత్త కెప్టెన్‌ని కనుగొనవలసి ఉంటుంది. రోహిత్ శర్మ లేదా సూర్యకుమార్ యాదవ్ వంటి అనుభవజ్ఞుడైన ఆటగాడి కోసం జట్టు వెతుకుతోంది. వీరిలో ఎవరైనా ముంబై ఇండియన్స్‌ను విడిచిపెట్టాలని నిర్ణయించుకుంటే, లక్నో జట్టు వారిని కెప్టెన్‌గా చేయగలదు.

ప్రస్తుత ఢిల్లీ క్యాపిటల్స్ కెప్టెన్ రిషబ్ పంత్ జట్టును వీడవచ్చు. ఇది జరిగితే, క్యాపిటల్స్ కెప్టెన్ కోసం వెతకవలసి ఉంటుంది. ఫ్రాంచైజీని నడిపించగల అనుభవజ్ఞులైన అక్షర్ పటేల్ వంటి ఆటగాళ్లు జట్టులో ఉన్నారు. మెగా వేలానికి ముందు జట్టులో అట్టిపెట్టుకునే అవకాశం ఉన్న ఆటగాళ్లలో అక్షర్ కూడా ఒకడు. ఢిల్లీ జట్టు యువ ఆటగాడిని కెప్టెన్‌గా చేయాలని భావిస్తే అక్షర్ సరైన ఎంపిక కావచ్చు.

ఐపీఎల్‌లో పంజాబ్ కింగ్స్ నిరాశాజనక ప్రదర్శన గత సీజన్‌లోనూ కొనసాగింది. ఈ జట్టు కెప్టెన్ శిఖర్ ధావన్ కూడా గాయంతో ఇబ్బంది పడ్డాడు. ఈ సారి వేలంలో ఈ ఎడమచేతి వాటం బ్యాట్స్‌మన్‌ను చూడవచ్చు. యువ ఆటగాడిని కెప్టెన్‌గా చేయాలని పంజాబ్ టీమ్ మేనేజ్‌మెంట్ భావిస్తోంది. ఇదే జరిగితే జట్టుకు కొత్త కెప్టెన్ లభించే అవకాశం ఉంది.

గత సీజన్‌లో ముంబై ఇండియన్స్ హార్దిక్ పాండ్యాను కెప్టెన్‌గా నియమించింది. అయితే, హార్దిక్ సారథ్యంలో టీమిండియా పెద్దగా విజయం సాధించలేదు. హార్దిక్‌పై విమర్శలు వెల్లువెత్తాయి. జట్టును కట్టడి చేయడంలో విఫలమయ్యాడు. తాజాగా టీ20 ప్రపంచకప్‌లో టీమిండియాను ఛాంపియన్‌గా నిలిపాడు రోహిత్. రోహిత్‌కి మళ్లీ ముంబై కమాండ్ ఇస్తే ఆశ్చర్యపోనక్కర్లేదు. రోహిత్‌ని మళ్లీ ముంబై కెప్టెన్‌గా చేయగలనని భారత మాజీ క్రికెటర్ మనోజ్ తివారీ ఇటీవల చెప్పుకొచ్చాడు.