T20 World Cup 2024: టీ20 ప్రపంచకప్‌లో మరో షాకింగ్ రిజల్ట్.. ఆఫ్గాన్‌ దెబ్బకు కివీస్‌‌ ఘోర పరాజయం..!

AFG vs NZ, T20 World Cup 2024: 2024 ప్రపంచకప్‌లో మరో షాకింగ్ రిజల్ట్ వచ్చింది. న్యూజిలాండ్‌పై ఆఫ్ఘనిస్తాన్ 84 పరుగుల తేడాతో విజయం సాధించింది. న్యూజిలాండ్‌పై ఏ ఫార్మాట్‌లోనైనా ఆఫ్ఘనిస్థాన్‌కు ఇదే తొలి విజయం కావడం గమనార్హం. ఇంతకు ముందు వన్డే, టీ20ల్లో మొత్తం 4 మ్యాచ్‌లు న్యూజిలాండ్‌ పేరిటే ఉన్నాయి.

గయానాలోని ప్రొవిడెన్స్ స్టేడియంలో శనివారం జరిగిన ఈ మ్యాచ్‌లో న్యూజిలాండ్ టాస్ గెలిచి ఫీల్డింగ్ ఎంచుకుంది. తొలుత బ్యాటింగ్ చేసిన ఆఫ్ఘనిస్థాన్ 20 ఓవర్లలో 6 వికెట్లకు 159 పరుగులు చేసింది. అనంతరం న్యూజిలాండ్ 15.2 ఓవర్లలో 75 పరుగులకు ఆలౌటైంది.

ఆఫ్ఘనిస్తాన్‌ తరపున రహ్మానుల్లా గుర్బాజ్‌ 80 పరుగుల ఇన్నింగ్స్‌ ఆడాడు. గుర్బాజ్ అంతర్జాతీయ T-20లో 9వ అర్ధశతకం సాధించాడు. గుర్బాజ్, ఇబ్రహీం జద్రాన్ మధ్య 103 పరుగుల ఓపెనింగ్ భాగస్వామ్యం కూడా ఉంది.

బౌలింగ్‌లో కెప్టెన్‌ రషీద్‌ ఖాన్‌, ఫజల్‌హాక్‌ ఫరూఖీలు చెరో 4 వికెట్లు తీశారు.

ఈ ప్రపంచకప్‌లో ఆఫ్ఘనిస్థాన్‌కు ఇది వరుసగా రెండో విజయం. అంతకుముందు ఆ జట్టు ఉగాండాపై 125 పరుగుల తేడాతో విజయం సాధించింది. గ్రూప్ సీలో జట్టు అగ్రస్థానంలో ఉంది.

ఇరుజట్ల ప్లేయింగ్ 11..

న్యూజిలాండ్: ఫిన్ అలెన్, డెవాన్ కాన్వే (కీపర్), కేన్ విలియమ్సన్ (కెప్టెన్), డారిల్ మిచెల్, గ్లెన్ ఫిలిప్స్, మార్క్ చాప్మన్, మైకేల్ బ్రేస్‌వెల్, మిచెల్ సాంట్నర్, మాట్ హెన్రీ, ట్రెంట్ బౌల్ట్, లాకీ ఫెర్గూసన్.

ఆఫ్ఘనిస్తాన్: రహ్మానుల్లా గుర్బాజ్ (కీపర్), ఇబ్రహీం జద్రాన్, నజీబుల్లా జద్రాన్, మహ్మద్ నబీ, గుల్బాదిన్ నైబ్, అజ్మతుల్లా ఒమర్జాయ్, రషీద్ ఖాన్ (కెప్టెన్), కరీం జనత్, నూర్ అహ్మద్, నవీన్-ఉల్-హక్, ఫజల్హాక్ ఫరూకీ.