అభ్యంతరకర దుస్తులు ధరించిందంటూ పార్కు‌లో హీరోయిన్‌పై దాడి

కన్నడ నటి సంయుక్త హెగ్డే , ఆమె స్నేహితులపై దాడి జరిగింది. సంయుక్త హెగ్డే, ఆమె స్నేహితులు బెంగళూరులోని ఒక పార్కులో వ‌ర్క‌వుట్లు చేస్తుండగా ఒక బృందం వారిపై దాడి చేసి వేధించారు. అంతేకాకుండా తమ పట్ల అసభ్యంగా ప్రవర్తించారని నటి ఆరోపించారు.. స్పోర్ట్స్ దుస్తులు ధ‌రించి ప‌బ్లిక్‌లోకి ఎలా వ‌స్తావంటూ దూష‌ణ‌ల‌కు దిగారని ఆమె ఆరోపించారు. ఈ విషయాన్నీ ఆమె తన సోషల్ మీడియా పోస్టులో వెల్లడించారు. అందులో ఇలా అన్నారు.. బెంగళూరులోని అగారా సరస్సు సమీపంలో ఉన్న ఒక పార్కులో నా స్నేహితులతో కలిసి వర్క్ అవుట్ చేస్తుండగా బహిరంగంగా క్రీడా దుస్తులను ధరించినందుకు..

కవితా రెడ్డిగా గుర్తించబడిన ఒక మహిళ నాపై దాడికి పాల్పడింది అని వివరించారు. అంతేకాదు ఆ లేడీ తన స్నేహితుడిపై కూడా ఎటువంటి కారణం లేకుండా దాడి చేసిందని ఆమె వెల్లడించింది. మరోవైపు ఇది జరుగుతుండగా, కొంతమంది పురుషుల బృందం కూడా ఆమెను చుట్టుముట్టి, డ్రగ్ రాకెట్ కేసులో ఇరికిస్తామ‌ని బెదిరించారుని ఆమె తెలిపారు. కాగా సంయుక్త హెగ్డే త‌మిళ, క‌న్న‌డ సినిమాల్లో హీరోయిన్‌గా నటించారు. తెలుగులో 'కిరాక్ పార్టీ' అనే ఏకైక చిత్రంలో న‌టించారు.