తెలుగులోకి మరో నట వారసురాలు

తెలుగులోకి మరో నట వారసురాలుఏ ఇండస్ట్రీలో అయిన సరే ఎక్కువగా హీరోలకి సంబంధించిన కుమారులు మాత్రమే ఎంట్రీ ఇస్తుంటారు.కానీ ఈ మధ్య హీరోలకి సంబంధించిన కుమార్తెలు కూడా ఎంట్రీ ఇస్తున్నారు. దీనినే ఇండస్ట్రీలో నట వారసురాలు అని అంటారు. కానీ ఇలా ఎంట్రీ ఇస్తున్న వారి సంఖ్య కూడా చాలా తక్కువేనని చెప్పాలి. ఇప్పటికే మెగా కాంపౌండ్ నుంచి నిహారిక ,జీవిత- రాజశేఖర్ ల కూతురు శివాత్మిక, ప్రియదర్శన్-లిజిల కూతురు కల్యాణి ప్రియదర్శన్, సురేష్ కుమార్- మేనకల కూతురు కీర్తి సురేష్ ఎంట్రీ ఇచ్చారు. ఇప్పుడు ఆ లిస్టు లోకి హీరో అర్జున్ కూతురు ఐశ్వర్య అర్జున్ కూడా చేరబోతుంది.

ఐశ్వర్య అర్జున్ సినిమాలకి కొత్తేమి కాదు. ఇప్పటికే విశాల్ సరసన తమిళ్ లో 'పట్టాత్తు యానై' అనే సినిమా, కన్నడలో కూడా 'ప్రేమ బరాహ' అనే సినిమాని చేసింది. కానీ ఈ సినిమాలు ఆమెకి పెద్ద పేరును అయితే తీసుకురాలేకపోయాయి. అయితే ఇప్పుడు తెలుగులో తన తొలి సినిమా చేసేందుకు అన్ని రంగం సిద్దం అయ్యాయని తెలుస్తోంది. స్వయంగా అర్జున్ ఈ సినిమాకి దర్శకత్వం వహించానున్నారట. ఇందులో ఓ క్రేజీ హీరో నటించనున్నాడని సమాచారం. ఇప్పటికి స్క్రిప్ట్ కి సంబంధించిన పనులు పూర్తి అయ్యాయని, త్వరలో సినిమా పట్టలేక్కనుందని తెలుస్తోంది.

ఇక హీరో అర్జున్ తెలుగు ప్రేక్షకులకి సుపరిచితుడే.. హీరోగా పలు చిత్రాలలో నటించాడు. హీరోగానే కాకుండా దర్శకుడిగా కూడా పలు చిత్రాలకి దర్శకత్వం వహించాడు.