స్టార్ హీరో తో సినిమా కోసం సంవత్సరాలు ఎదురు చూస్తున్న డైరెక్టర్లు

Movie Updates: టైర్ 2 హీరోలతో చాలా వరకు మీడియం బడ్జెట్ సినిమాలు చేసే వారిని టైర్ 2 డైరెక్టర్స్ అంటారు. టాలీవుడ్ లో చాలా టాలెంట్ ఉన్న టైర్ 2 దర్శకులు చాలామందే ఉన్నారు. కానీ ఒక సినిమా పూర్తి చేయడానికి చాలా సమయం తీసుకుంటూ ఉంటారు. దానికి కారణం అందరూ టైర్ 2 హీరో లతో కాకుండా స్టార్ హీరోలతో సినిమాలు చేయాలి అనుకోవడం. మీడియం రేంజ్ హీరో లతో వరస సినిమాల కంటే ఏళ్ల తరబడి ఏ పనీ లేకుండా ఖాళీగా కూర్చుని ఎదురు చూస్తూ స్టార్ హీరోలతో ఒక సినిమా చేయడానికే వారు ఆసక్తి చూపిస్తున్నారు. ఈ నేపథ్యంలో వారు టైర్ 2 హీరోలతో సినిమాలు చేయడం మానేస్తున్నారు. మీడియం రేంజ్ హీరో తో ఒక్క సూపర్ హిట్ పడగానే, వారి కళ్ళు స్టార్ హీరోల కోసం మాత్రమే చూస్తున్నారు.

ఉప్పెన సినిమాతో సూపర్ హిట్ అందుకున్న బుచ్చిబాబు ఎన్టీఆర్ లేదా రామ్ చరణ్ తో సినిమా కోసం నెలల తరబడి ఎదురు చూస్తున్నారు. అయితే మరోవైపు స్టార్ హీరోలు స్టార్ డైరెక్టర్ లు కాకుండా పర బాషా దర్శకులతో చేతులు కలపడానికి ప్లాన్ చేస్తున్నారు. శంకర్, ప్రశాంత్ నీల్ లేదా లోకేష్ కనగరాజ్ వంటి డైరెక్టర్ లతో స్టార్ హీరోలు సినిమాలు తీయాలని అనుకుంటున్నారు. హరీష్ శంకర్, గౌతమ్ తిన్ననూరి, తాజా బ్లాక్ బస్టర్ బింబిసార దర్శకుడు వశిష్ట, పరశురామ్ తదితరులు కూడా ఇదే వైఖరిలో ప్రవర్తిస్తున్నారు.

నెలల పాటు వెయిట్ చేయకుండా మీడియం రేంజ్ హీరోలతో సినిమాలు చేసి మంచి కంటెంట్ ఇవ్వాలని అనుకునే వారు తక్కువ మందే ఉన్నారు. అయితే దాసరి నారాయణరావు, రాఘవేంద్రరావు, పూరి, రాజమౌళి వంటి సీనియర్ స్టార్ డైరెక్టర్లు కూడా టైర్2 హీరోలతో సినిమాలు చేసినవారే. అలా పెద్ద హిట్‌లతోనే ఇప్పుడు వారు ప్యాన్ ఇండియా రేంజ్ సినిమాలు చేసే స్థాయికి వచ్చారు. మరి ఇప్పటికైనా డైరెక్టర్లు పరిస్థితిని అర్థం చేసుకుని స్టార్ హీరో లతో మాత్రమే కాక మీడియం రేంజ్ హీరోలతో కూడా సినిమాలు చేస్తారా లేదా చూడాలి.