Chinnanjiru Kiliye Movie Source (Youtube)
Chinnanjiru Kiliye: శబరిపాండ్యన్‌ ముత్తు పాండ్యన్ ద‌ర్శ‌క‌త్వంలో సెంథిల్‌ నాథన్‌ హీరోగా, శాండ్రా నాయర్‌ హీరోయిన్‌గా రూపొందిన త‌మిళ చిత్రం ''చిన్నంచిరు కిళియే''. ఈ సినిమా విడుదలకాకముందే అనేక చిత్రోత్సవాల్లో ప్రదర్శితమై పలు అవార్డులను కైవసం చేసుకుంది. తండ్రీకూతుళ్ల మధ్యసాగే అనుబంధం, ప్రేమ, ఆప్యాయతలతో ఈ చిత్రాన్ని తెరకెక్కించారు. ఈ చిత్రాన్ని షెణ్బా క్రియేషన్స్‌ పతాకంపై సెంథిల్‌ నాథన్‌ నిర్మించారు. మస్తాన్‌ ఖాదర్‌ సంగీతం సమకూర్చారు.
ఈ చిత్రం షూటింగుతో పాటు పోస్ట్‌ ప్రొడక్షన్‌ కార్యక్రమాలు పూర్తి చేసుకుని విడుదలకు సిద్ధంగా ఉంది. ఈ చిత్రం తాజాగా.. ఔట్‌స్టాండింగ్‌ అచీవ్‌‌మెంట్స్‌ అవార్డు, బెస్ట్ ఫ్యామిలీ అండ్‌ చిల్డ్రన్స్‌ అవార్డు, ఉత్తమ డైరెక్టర్‌ అవార్డు, బెస్ట్ ఇండియన్‌ మూవీ, ఉత్తమ డైరెక్టర్‌ జ్యూరీ అవార్డుతో పాటు పలు అవార్డులను సొంతం చేసుకుంది. ఈ సినిమాలో బాలనటిగా బతివత్తిని సెంథిల్‌నాథన్‌, స్పోర్ట్స్‌ ఆర్టిస్టుగా కులప్పులి లీలా తదితరులు నటించారు.