Kanguva: ఓర్నాయనో.. కంగువాలో శ్రద్ధా దాస్ కూడానా

Kanguva: అల్లరి నరేష్ నటించిన సిద్ధు ఫ్రమ్ శ్రీకాకుళం సినిమాతో టాలీవుడ్‌లోకి ఎంట్రీ ఇచ్చిన శ్రద్ధాదాస్ వెండితెరపై తన గ్లామర్‌తో పాపులర్ అయ్యింది. కెరీర్ పరంగా పెద్ద విజయాలు అందుకోలేకపోయినా అందచందాలతో మాత్రం ప్రేక్షకుల హృదయాల్లో స్థానం సంపాదించుకుంది. అందాల ఆరోబోతకు బ్రాండ్ అంబాసిడర్ శ్రద్దా దాస్ అనడంలో ఏ మాత్రం అతిశయోక్తి లేదు. తన అందాలతో సోషల్ మీడియాను షేక్ చేయడంలో ముందుంటుంది శ్రద్దా దాస్. ఈ మధ్యకాలంలో అయితే అమ్మడి హాట్ డోస్ పీక్స్‌కి చేరిపోయింది. ఎన్నిసార్లు చూసినా తనివి తీరని విధంగా అమ్మడి పోజులు ఉంటున్నాయి. దీంతో సోషల్ మీడియాలో నిత్యం శ్రద్దా దాస్ ట్రెండ్ నడుస్తోంది.

తాజాగా శ్రద్ధా దాస్ గురించి ఓ విషయం సంచలనంగా మారింది. త్వరలో రిలీజ్ కానున్న ‘కంగువా’ (Kanguva) చిత్రానికి ఆమె కూడా పని చేశారట. కాకపోతే ఆమె చేసింది నటిగా కాదు. ప్లేబ్యాక్ సింగర్‌గా. ఈ విషయం ప్రస్తుతం సోషల్ మాధ్యమాల్లో తెగ వైరల్ అవుతోంది. ఆమె గ్లామర్, ఆమెకు అవకాశాలు అంతగా రప్పించలేకపోతోంది. కానీ గాత్రంతో మాత్రం అదరగొట్టేస్తోంది. ఇప్పుడామె సూర్య ‘కంగువా’ కోసం ప్రొఫెషనల్ ప్లేబ్యాక్ సింగర్‌గా మారి ఓ పాట పాడారు. ‘కంగువా’ సినిమాతో శ్రద్ధా దాస్‌‌ని సింగర్‌గా ప్రేక్షకులకు రాక్ స్టార్ దేవీ శ్రీ ప్రసాద్ పరిచయం చేశారు. సూర్య నటించిన పాన్ ఇండియా చిత్రం ‘కంగువా’లో శ్రద్దా దాస్ ఓ పెప్పీ సాంగ్‌ను పాడారు. ఈ సాంగ్‌ని రీసెంట్‌గా చిత్ర యూనిట్ వదిలింది.

సూర్య, దిశా పటాని, బాబీ డియోల్ వంటి భారీ తారాగణంతో తెరకెక్కిన ‘కంగువా’ చిత్రం నవంబర్ 14న రిలీజ్ కాబోతోన్న సంగతి తెలిసిందే. ఇప్పటికే ‘కంగువా’ చిత్రంపై అంచనాలు భారీ స్థాయిలో ఉన్నాయి. ఈ సినిమా నుంచి ఇటీవల వచ్చిన ‘ఏలో’ పాట యూ ట్యూబులో సంచలనంగా మారంది. ఇప్పటికే మిలియన్ల వ్యూస్ సాధించింది. దేవి శ్రీ ప్రసాద్, శ్రద్ధా దాస్, సాగర్ సంయుక్తంగా ఆలపించిన ఈ పాట ప్రత్యేక ఆకర్షణగా నిలిచి, సినిమాపై మంచి అంచనాలను క్రియేట్ చేసింది.

ఈ సాంగుకు రాకేందు మౌళి సాహిత్యం అందించారు. ‘ఏలో’ అంటూ సాగిన ఈ పాటలోని శ్రద్ధా దాస్ గాత్రం అందరినీ ఆకట్టుకుంటోంది. ఒక ప్రొఫెషనల్ సింగర్ వాయిస్‌లా ఉందంటే ఆశ్చర్యపోవాల్సిన అవసరమే లేదు. అలాగే, ఇటీవల హైదరాబాద్‌లోని గచ్చిబౌలిలో జరిగిన మ్యూజికల్ ఈవెంట్‌లో రాక్‌స్టార్ దేవిశ్రీ ప్రసాద్‌తో కలిసి శ్రద్ధాదాస్ పాటలను పాడి ప్రేక్షకులను ఆకట్టుకున్నారు. చూస్తుంటే ముందు ముందు శ్రద్ధా దాస్ సింగర్‌గానూ బిజీ అయ్యే అవకాశాలు కనిపిస్తున్నాయి.