Upcoming SUVs: అదరిపోయే న్యూస్ చెప్పిన టయోటా.. 3 విలాసవంతమైన ఎస్‌యూవీల లాంచ్!

Upcoming SUVs: పండుగల సీజన్‌లో ఆటోమొబైల్ కంపెనీలు కస్టమర్లను ఆకర్షించడానికి ప్రత్యేక ఎడిషన్ వాహనాలను విడుదల చేస్తాయి. అద్భుతమైన ఫీచర్లు, పవర్ ఫుల్ లుక్స్‌తో అందరి దృష్టిని ఆకర్షిస్తున్న 3 విలాసవంతమైన ఎస్‌యూవీల ప్రత్యేక ఎడిషన్లను ఈసారి మార్కెట్లోకి తీసుకొచ్చింది. ఈ కొత్త SUVలు మెరుగైన పనితీరును అందించడమే కాకుండా వాటి ఇంటీరియర్, ఎక్ట్సీరియర్‌లో కూడా ప్రత్యేక మార్పులు చేయబడ్డాయి. అధునాతన సాంకేతికత, భద్రతా ఫీచర్లతో ఈ వాహనాలు పండుగ సీజన్లో కస్టమర్లకు అద్భుతమైన డ్రైవింగ్ అనుభవాన్ని అందించడానికి సిద్ధంగా ఉన్నాయి. ఈ ఎస్‌యూవీల ఫీచర్లు తెలిస్తే మీరు ఆశ్చర్యపోతారు.

1. టయోటా ఫార్చ్యూనర్ సిగ్నేచర్ ఎడిషన్

టయోటా ఫార్చ్యూనర్ సిగ్నేచర్ ఎడిషన్, వైట్, గ్రే వంటి రంగులతో కూడిన అద్భుతమైన డ్యూయల్-టోన్ అవుట్ లుక్ పొందుతుంది. ఇందులో గ్రే ఫ్రంట్ గ్రిల్, మ్యాట్ బ్లాక్ హైలైట్స్, స్టైలిష్ అల్లాయ్ వీల్స్ ఉన్నాయి. లోపల మీరు బ్లూ లెదర్ సీట్లు, డైమండ్ స్టిచింగ్, విలాసవంతమైన బ్లాక్ వెల్వెట్ హెడ్‌లైనర్‌ని పొందుతారు. ఇది మరింత ప్రత్యేకంగా ఉంటుంది.

2. టయోటా అర్బన్ క్రూయిజర్ హైరైడర్ సిగ్నేచర్ ఎడిషన్

టయోటా అర్బన్ క్రూయిజర్ హైరైడర్ సిగ్నేచర్ ఎడిషన్‌లో కొన్ని కొత్త లుక్‌లు ఇవ్వబడ్డాయి. అయితే దాని అసలు డిజైన్ అలాగే ఉంచారు. బ్లూ,  సిల్వర్,  పియానో ​​బ్లాక్ మౌల్డింగ్‌ల కలయిక వంటి రెండు రంగులు ఇందులో ఉపయోగించారు.  వై లోపలి భాగంలో, బ్లాక్ వెల్వెట్ రూఫ్, మ్యాచింగ్ డెకరేషన్‌లతో పాటు వెహికల్ ఎక్స్‌టీరియర్ సరిపోయేలా రెండు-టోన్ సీట్ కవర్లు విలాసవంతమైన రూపాన్ని అందిస్తాయి. 

3. టయోటా అర్బన్ క్రూయిజర్ హైరైడర్ ఫెస్టివ్ ఎడిషన్

టయోటా అర్బన్ క్రూయిజర్ హైరైడర్ ఫెస్టివ్ ఎడిషన్ ప్రత్యేక పండుగ సీజన్ కోసం కొన్ని మార్పులతో పరిచయం చేయబడుతుంది. ఇందులో హైబ్రిడ్, నియో డ్రైవ్ ఇంజన్ ఆప్షన్లు అందుబాటులో ఉన్నాయి. దీనితో పాటు రూ.50,817 ఉచిత ప్యాకేజీ కూడా ఇస్తున్నారని, ఇది అక్టోబర్ 31 వరకు అందుబాటులో ఉంటుందని పేర్కొంది. లోపల ఉన్న ఫీచర్లలో ధృడమైన 3D ఫ్లోర్ మ్యాట్స్, యాంబియంట్ లైటింగ్, డిజిటల్ వీడియో రికార్డింగ్ సిస్టమ్ ఉన్నాయి. బయట ఇది మడ్‌గార్డ్‌లు, డోర్ వైజర్‌లు, క్రోమ్ హ్యాండిల్స్, మెరుగైన బంపర్‌లు, హెడ్‌లైట్‌లను పొందుతుంది.