Toyota: వామ్మో.. ఇవేం కార్లు భయ్యో.. కొనాలంటే 14 నెలలు వెయిట్ చేయాల్సిందే.. డిమాండ్ చూస్తే నోరెళ్లబెట్టాల్సిందే..

Toyota: టయోటా ఇన్నోవా హైక్రాస్, ఇన్నోవా క్రిస్టాలు ప్రస్తుతం ఆయా వేరియంట్‌పై ఆధారపడి ఆరు నెలల నుంచి ఒక సంవత్సరం వరకు వెయిటింగ్ పీరియడ్‌ను కలిగి ఉన్నాయి. మీరు కొత్త ఇన్నోవా హైక్రాస్ లేదా ఇన్నోవా క్రిస్టా ఎమ్‌పీవీని కొనుగోలు చేయాలంటే మాత్రం.. చాలాకాలంపాటు వేచి చూడాల్సి ఉంటుంది. దేనికెంత సమయంలో పడుతుందో ఇప్పుడు తెలుసుకుందాం..

Toyota Innova Hycross వెయిటింగ్ పీరియడ్..

టయోటా ఇన్నోవా హైక్రాస్ రెండు పవర్‌ట్రెయిన్‌లతో అందుబాటులో ఉంది. 173hp, 2.0-లీటర్ పెట్రోల్ యూనిట్, 184hp, 2.0-లీటర్ స్ట్రాంగ్-హైబ్రిడ్ పెట్రోల్ యూనిట్‌లతో రానుంది. నాన్-హైబ్రిడ్ పెట్రోల్ వేరియంట్‌లకు జూన్ 2024లో దాదాపు ఆరు నెలల వెయిటింగ్ పీరియడ్ ఉండగా, హైబ్రిడ్ వెర్షన్‌లు ఆర్డర్ చేసిన తర్వాత 14 నెలల వరకు వెయిటింగ్ పీరియడ్‌ను కలిగి ఉంటుందని తెలుస్తోంది.

టయోటా ఇన్నోవా క్రిస్టా వెయిటింగ్ పీరియడ్..

టయోటా ఇటీవలే ఇన్నోవా హైక్రాస్ రేంజ్-టాపింగ్ ZX, ZX (O) వేరియంట్‌ల బుకింగ్‌లను రెండవసారి నిలిపివేసింది. సరఫరా సంబంధిత సమస్యల కారణంగా ఇది మొదట ఏప్రిల్ 2023లో బుకింగ్‌లను ఆపేసింది. ఒక సంవత్సరం తర్వాత తిరిగి ప్రారంభించింది. ఇన్నోవా హైక్రాస్ టాప్-స్పెక్ వేరియంట్‌.. దీని ధర రూ. 19.77 లక్షల నుంచి రూ. 30.98 లక్షల (ఎక్స్-షోరూమ్) మధ్య ఉంది. అయితే, ఇది ఎప్పుడూ అధిక డిమాండ్‌ని కలిగి ఉంటుంది. దీంతో దీని డెలివరీలు కూడా అంతే సమయం పడుతుంది.

టయోటా ఇన్నోవా క్రిస్టా సుమారు ఆరు నెలల వెయిటింగ్ పీరియడ్‌ను కలిగి ఉంది. ఇది ఒక 150hp, 343Nm, 2.4-లీటర్ డీజిల్ ఇంజన్‌తో 5-స్పీడ్ మాన్యువల్ గేర్‌బాక్స్‌తో వస్తుంది. ప్రస్తుతం నాలుగు ట్రిమ్ స్థాయిలలో అందుబాటులో ఉన్న ఇన్నోవా క్రిస్టా ధర రూ. 19.99 లక్షల నుంచి రూ. 26.55 లక్షలు (ఎక్స్-షోరూమ్)గా ఉంది.

ఇన్నోవా క్రిస్టాకు ప్రస్తుతం దేశంలో పోటీ లేనప్పటికీ, ఇది కియా కారెన్స్, మహీంద్రా మరాజ్జో,మారుతి XL6 వంటి చిన్న MPVల నుంచి పోటీని ఎదుర్కొంటుంది. ఈ రెండు వెహికిల్స్‌ కొనాలని ప్లాన్ చేస్తుంటే మాత్రం.. డెలివరీలు ఎప్పుడు ఉంటాయనే సంగతి తెలుసుకుని, ప్లాన్ చేసుకుంటే మంచిది.