Hyundai Creta EV: ఒక్కసారి ఛార్జింగ్‌తో 450 కి.మీ... హ్యుందాయ్ క్రెటా ఈవీ లాంచింగ్ ఎప్పుడంటే ?

Hyundai Creta EV: గత కొన్ని సంవత్సరాలుగా భారతీయ కస్టమర్లలో ఎలక్ట్రిక్ కార్ల (EV) డిమాండ్ నిరంతరం పెరుగుతోంది. ఈ విభాగంలో పెరుగుతున్న డిమాండ్ దృష్ట్యా, హ్యుందాయ్ ఇండియా తన బెస్ట్ సెల్లింగ్ కార్ క్రెటా ఎలక్ట్రిక్ వేరియంట్‌ను విడుదల చేయడానికి సిద్ధమవుతోంది. వార్తా వెబ్‌సైట్ gaadiwaadiలో ప్రచురించబడిన ఒక వార్త ప్రకారం.. హ్యుందాయ్ ఇండియా చీఫ్ ఆపరేటింగ్ ఆఫీసర్ (COO) తరుణ్ గార్గ్ ఒక పెట్టుబడిదారుల సమావేశంలో రాబోయే ఎలక్ట్రిక్ క్రెటా (Creta EV) వచ్చే ఏడాది మొదటి నెలలో దేశీయ మార్కెట్లో విడుదల చేయనున్నట్లు కన్ఫాం చేశారు. రాబోయే హ్యుందాయ్ క్రెటా ఈవీ ఫీచర్ల గురించి తెలుసుకుందాం.

మార్కెట్లో కర్వ్ ఈవీతో పోటీ

హ్యుందాయ్ క్రెటా ఈవీ భారతీయ రోడ్లపై టెస్టింగ్ సమయంలో చాలా సార్లు కనిపించింది. హ్యుందాయ్ క్రెటా ఈవీ రాబోయే ఆటో ఎక్స్‌పో 2025లో న్యూ ఢిల్లీలో జరగవచ్చని అనేక మీడియా నివేదికలు పేర్కొన్నాయి. మార్కెట్లో రాబోయే హ్యుందాయ్ క్రెటా ఈవీ టాటా కర్వ్ ఈవీ, ఎంజీ జెడ్ ఎస్ ఈవీ, మహీంద్రా XUV 400, రాబోయే మారుతి సుజుకి ఈ విటారాతో పోటీపడుతుంది.

క్రెటా ఈవీ ఫీచర్లు

టెస్టింగ్ సమయంలో కనిపించిన హ్యుందాయ్ క్రెటా ఈవీ, డిజైన్ పరంగా కారుకు క్లోజ్-అప్ ఫ్రంట్ గ్రిల్, కొత్త 18-అంగుళాల అల్లాయ్-వీల్స్, LED హెడ్‌ల్యాంప్‌లు, టెయిల్ ల్యాంప్‌లు ఇవ్వబడతాయి. ఇది కాకుండా, కారులో 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 10.25-అంగుళాల డిజిటల్ ఇన్‌స్ట్రుమెంట్ క్లస్టర్, పనోరమిక్ సన్‌రూఫ్ , ఆటో క్లైమేట్ కంట్రోల్ ఫీచర్లు కూడా ఉంటాయి. అదే సమయంలో, సేఫ్టీ కోసం 6-ఎయిర్‌బ్యాగ్‌లు, లెవల్-2 ADAS టెక్నాలజీ , 360-డిగ్రీ కెమెరా కూడా అందించబడుతుంది.

ఈ కారు ఒక్కసారి ఛార్జింగ్ చేస్తే 450 కి.మీ

పవర్‌ట్రెయిన్ గురించి మాట్లాడినట్లయితే.. రాబోయే హ్యుందాయ్ క్రెటా ఈవీలో 45kWh బ్యాటరీ ప్యాక్‌ని ఉపయోగించవచ్చు, ఇది తన కస్టమర్‌లకు ఒకే ఛార్జీతో దాదాపు 450 కిలోమీటర్ల పరిధిని అందించగలదు. భారతీయ మార్కెట్లో హ్యుందాయ్ క్రెటా ఈవీ ప్రారంభ ఎక్స్-షోరూమ్ ధర సుమారు రూ. 18 లక్షలుగా ఉండవచ్చని చాలా మీడియా నివేదికలు పేర్కొన్నాయి.