Cars: మారుతి నుంచి హ్యుందాయ్ వరకు అన్ని కార్లపై కళ్లు చెదిరే డిస్కౌంట్.. 4 ఏళ్ల తర్వాత తొలిసారి.. మిస్సైతే కొనడం కష్టమే..!

Cars: ఈ ఏడాది జనవరి నుంచి దేశంలోని అన్ని ఆటోమొబైల్ కంపెనీలు కార్ల ధరలను పెంచాయి. కానీ, ఇప్పుడు కార్లపై భారీ డిస్కౌంట్లు ఇవ్వబోతున్నారు. మీరు కొత్త కారు కొనాలని ఆలోచిస్తున్నట్లయితే, ఇది మీకు గొప్ప అవకాశం. ఎందుకంటే, 4 సంవత్సరాల తర్వాత కార్లపై బంపర్ డిస్కౌంట్ అందుబాటులోకి వస్తోంది. ఈ తగ్గింపు పరిధి రూ. 15,000 నుంచి రూ. 20,000 వరకు ఉండగా, కొన్ని కార్లపై ఈ తగ్గింపు రూ. 40,000 నుంచి రూ. 65,000 వరకు ఉంటుంది. ఈ ఆఫర్‌లో నగదు తగ్గింపు, కార్పొరేట్ తగ్గింపు, ఎక్ఛేంజ్ ఆఫర్ కూడా ఉన్నాయి. మూలాల ప్రకారం, పాత హ్యాచ్‌బ్యాక్, సెడాన్ కార్లపై ఈ తగ్గింపు అందుబాటులో ఉంది. మారుతి నుంచి మహీంద్రా, టాటా, హ్యుందాయ్ వరకు ఏయే కార్లపై ఎంత తగ్గింపు ఇవ్వనున్నాయో ఇప్పుడు తెలుసుకుందా.

ఈ కార్లపై బంపర్ తగ్గింపు..

-FADA డేటా ప్రకారం, హ్యాచ్‌బ్యాక్, సెడాన్ కార్లపై కొన్ని గొప్ప ఆఫర్‌లు అందుబాటులో ఉన్నాయి. మారుతి సుజుకి ఆల్టో కె10పై రూ. 42,000 వరకు తగ్గింపు లభిస్తోంది (మాన్యువల్ పెట్రోల్ వేరియంట్‌పై గరిష్టంగా). అయితే, మారుతి సుజుకి వ్యాగన్ఆర్‌పై ఈ తగ్గింపు రూ. 25,000 నుంచి 30,000. హ్యుందాయ్ గ్రాండ్ ఐ10 నియోస్ ధర రూ. 18,000 నుంచి రూ. 35,000 వరకు ఉంటుంది.

-మారుతి సుజుకి సెలెరియోపై రూ.41,000, మారుతీ ఇగ్నిస్‌పై రూ.41,000, బాలెనోపై రూ.36,000, మారుతీ ఎస్-ప్రెస్సోపై రూ.38,000 తగ్గింపు ఉంది.

-అదే సమయంలో మహీంద్రాకు చెందిన బొలెరో నియోపై రూ.82,000, బొలెరోపై రూ.54,000, టాటా నెక్సాన్ రూ.56,000, టాటా టియాగోపై రూ.35,000 వరకు తగ్గింపు ఉంది.

-ఇదే కాకుండా, సెడాన్ కార్లలో, హ్యుందాయ్ ఆరాపై తగ్గింపు పరిధి రూ. 23,000 నుంచి రూ. 40,000 ఉండగా, హోండా అమేజ్‌పై రూ. 40,000. అయితే, ఈ తగ్గింపులో ఎక్స్ఛేంజ్ ఆఫర్లు, కార్పొరేట్ డిస్కౌంట్లు కూడా ఉన్నాయి.

-ఈ తగ్గింపు ఖరీదైన ఎలక్ట్రిక్, SUV వాహనాలపై కూడా అందుబాటులో ఉంది. వీటిలో హ్యుందాయ్ అల్కాజర్ రూ.45,000 నుంచి రూ.65,000 వరకు తగ్గింపును పొందుతుండగా, మహీంద్రా ఎక్స్‌యూవీ400 ఈవీకి రూ.1.5 లక్షల వరకు తగ్గింపు లభిస్తోంది.