CNG Filling: కారుకు సీఎన్జీ నింపేటప్పుడు దిగిపోవాలని చెబుతారు.. ఎందుకో తెలుసా ?

CNG Filling: ప్రస్తుతం చాలా మంది సీఎన్జీ కార్లను కొనేందుకు ఆసక్తి చూపుతున్నారు. వారి ఆసక్తిని గమనించిన కంపెనీలు వివిధ మోడల్స్ ను మార్కెట్లోకి తీసుకొస్తున్నాయి. అలాటే సీఎన్జీ వాహనాలను వాడేటప్పుడు చాలా జాగ్రత్తగా ఉండాలి. లేదంటే నిండు ప్రాణాలు బలికావాల్సి ఉంటుంది. గ్యాస్ నింపే ముందు ప్రజలు తమ కార్ల నుండి బయటకు వచ్చి సిఎన్‌జి పంప్ వద్ద బయట నిలబడడం తరచుగా చూసి ఉంటారు. ఇలా అందరూ చేస్తారు కానీ ఇలా ఎందుకు చేస్తారని చాలా మంది మదిలో ప్రశ్నలు తలెత్తుతాయి. పెట్రోల్ లాగా కారులో కూర్చున్నప్పుడు సీఎన్జీ ఎందుకు నింపరు అనే విషయాన్ని తెలుసుకుందాం.

సీఎన్‌జీ కార్ల విషయంలో జాగ్రత్తలు తీసుకోకుంటే పేలిపోయే ప్రమాదం ఉంది. ఇది ఎందుకు జరుగుతుందో తెలుసా? భద్రతా కారణాల దృష్ట్యా సీఎన్జీ (కంప్రెస్డ్ నేచురల్ గ్యాస్) నింపేటప్పుడు వాహనం నుండి బయటికి రావడం మంచిది. సీఎన్జీ అనేది మండే వాయువు, గ్యాస్ నింపే సమయంలో ఏదైనా లీకేజీ ఏర్పడి, ఆ సమయంలో ఎవరైనా కారు లోపల కూర్చుని ఉంటే, ఆ గ్యాస్ ఆ వ్యక్తికి హాని కలిగిస్తుంది. అంతే కాదు, గ్యాస్ లీకేజీ వల్ల కూడా మంటలు చెలరేగే ప్రమాదం ఉంది. అందుకే వాహనంలోంచి దిగి నిల్చోవాలి.

కారు నుండి ప్రయాణీకులందరినీ దింపేయడం ద్వారా, వాహనం బరువు తగ్గుతుంది, ఇది సీఎన్జీ నింపే ప్రక్రియను వేగంగా, సులభంగా చేస్తుంది. మీరు కారులో సీఎన్జీని నింపినప్పుడు, పైప్ 200 బార్ల కంటే ఎక్కువ ఒత్తిడిని కలిగిస్తుంది. అటువంటి అధిక పీడనం కారణంగా చిన్న పగుళ్లు కూడా పెద్దగా పేలిపోతాయి. కాబట్టి సీఎన్‌జీ నింపేటప్పుడు కారులో కూర్చోకుండా కారులో కూర్చున్న వారిని బయటకు వెళ్లమని కోరడానికి ఇదే కారణం.

భద్రతా కారణాల దృష్ట్యా, సీఎన్జీ వాహనాలను నడుపుతున్న వ్యక్తులు కారు నుండి బయటకు రావాలని సూచించారు. మీ భద్రత కోసం కారు నుండి బయటకు రావడం చాలా ముఖ్యం, కాబట్టి ఈ విషయంలో అజాగ్రత్తగా ఉండకండి. ఒక చిన్న అజాగ్రత్త పేలుడు, ప్రాణనష్టానికి దారితీస్తుంది.