Hyundai Venue Discounts: డిస్కౌంట్ల జాతర.. హ్యుందాయ్ వెన్యూపై రూ.60 వేల డిస్కౌంట్

Hyundai Venue Discounts: ప్రముఖ కార్ల తయారీ సంస్థ హ్యుందాయ్ (Hyundai) తన ప్రసిద్ధ SUV వెన్యూ (Hyundai Venue)పై నవంబర్ నెలలో బంపర్ డిస్కౌంట్లను అందిస్తోంది. ఇంటర్నెట్‌లోని సమాచారం ప్రకారం హ్యుందాయ్ వెన్యూ  పెట్రోల్ వేరియంట్‌లను కొనుగోలు చేయడం ద్వారా గరిష్టంగా రూ. 60,000 ఆదా చేయవచ్చు. తగ్గింపు గురించి మరిన్ని వివరాల కోసం కస్టమర్‌లు తమ సమీప డీలర్‌షిప్‌ను సంప్రదించవచ్చు. భారతీయ మార్కెట్లో హ్యుందాయ్ వెన్యూ.. టాటా నెక్సాన్, కియా సోనెట్, మారుతి సుజుకి బ్రెజ్జా వంటి SUVలతో పోటీ పడుతుంది. హ్యుందాయ్ వెన్యూ ఫీచర్లు, పవర్‌ట్రెయిన్, ధర గురించి వివరంగా తెలుసుకుందాం.

పవర్‌ట్రెయిన్ గురించి మాట్లాడినట్లయితే హ్యుందాయ్ వెన్యూలో 3 ఇంజన్ ఆప్షన్లు ఉన్నాయి. మొదటిది 1.2-లీటర్ పెట్రోల్ ఇంజన్ గరిష్టంగా 83బీహెచ్‌పీ హార్స్ పవర్, 114ఎన్ఎమ్ గరిష్ట టార్క్‌ను ఉత్పత్తి చేయగలదు. రెండవది 1.0-లీటర్ టర్బో పెట్రోల్ ఇంజన్. ఇది గరిష్టంగా 120బీహెచ్‌పీ హార్స్ పవర్,  172ఎన్ఎమ్ గరిష్ట టార్క్‌ను ఉత్పత్తి చేయగలదు. మూడవది 1.5-లీటర్ డీజిల్ ఇంజన్, ఇది గరిష్టంగా 100బీహెచ్‌పీ హార్స్ పవర్,  240ఎన్ఎమ్ గరిష్ట టార్క్‌ను ఉత్పత్తి చేయగలదు. హ్యుందాయ్ వెన్యూ అనేది 5-సీటర్ కారు. ఇది ప్రస్తుతం భారతీయ కస్టమర్ల కోసం 6 వేరియంట్‌లలో అందుబాటులో ఉంది.

మరోవైపు ఫీచర్లుగా హ్యుందాయ్ వెన్యూ 8.0-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, కనెక్టెడ్ కార్ టెక్నాలజీ, సన్‌రూఫ్, ఆటో ఏసీ, వైర్‌లెస్ ఫోన్ ఛార్జర్‌తో అందించారు. ఇది కాకుండా ప్రయాణీకుల భద్రత కోసం కారులో 6-ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్, రియర్ పార్కింగ్ సెన్సార్, అధునాతన డ్రైవర్ అసిస్టెంట్ సిస్టమ్ వంటి గొప్ప ఫీచర్లు ఉన్నాయి. భారత మార్కెట్లో హ్యుందాయ్ వెన్యూ టాటా నెక్సాన్, మారుతి సుజుకి బ్రెజ్జా, కియా సోనెట్ వంటి SUVలతో పోటీపడుతుంది. హ్యుందాయ్ వెన్యూ  ప్రారంభ ఎక్స్-షోరూమ్ ధర టాప్ మోడల్ కోసం రూ. 7.94 లక్షల నుండి రూ. 13.48 లక్షల వరకు ఉంది.