Budget Phone: ఒప్పో మాస్టర్ ప్లాన్.. కిందపడ్డా పగలని ఫోన్ రిలీజ్.. రూ.11,999కే కొనేయండి..!

Budget Phone: మీకు ఫోన్‌ను తరచుగా డ్రాప్ చేసే అలవాటు ఉందా? కొత్త ఫోన్ పాడవుతుందేమోనని భయపడుతున్నారా? అయితే ఇప్పుడు తక్కువ బడ్జెట్‌లో మిలిటరీ-గ్రేడ్ ఉన్న ఫోన్ మీ సొంతం చేసుకోవచ్చు. గత నెలలో ఇండియన్ మార్కెట్లో లాంచ్ అయిన Oppo K12x 5Gని కస్టమర్లు ప్రత్యేక తగ్గింపుతో రూ.12,000 కంటే తక్కువ ధరతో కొనుగోలు చేయవచ్చు. ఈ ఫోన్‌పై ప్రత్యేక బ్యాంక్ ఆఫర్‌తో పాటు ఆన్‌లైన్ షాపింగ్ ప్లాట్‌ఫామ్ ఫ్లిప్‌కార్ట్‌ డిస్కౌంట్లను అందిస్తుంది. దీని గురించి పూర్తి వివరాలు తెలుసుకుందాం.

చైనీస్ టెక్ కంపెనీ Oppo తన కొత్త బడ్జెట్ స్మార్ట్‌ఫోన్‌ను MIL-STD-810H సర్టిఫికేషన్‌తో మార్కెట్‌లో భాగంగా చేసింది. ఇది మిలిటరీ గ్రేడ్ టెస్టింగ్‌ సర్టిఫికేషన్ సాధించింది. OPPO K12x 5G కూడా IP54 డస్ట్, వాటర్ రెసిస్టెన్స్ బెనిఫిట్స్ కలిగి ఉంది. ఇది కాకుండా స్ప్లాష్ టచ్ ఫీచర్‌తో ఫోన్ సెగ్మెంట్‌లో ఇది మొదటి గ్యాడ్జెట్, స్క్రీన్‌పై వాటర్ డ్రాప్స్ ఉన్నప్పటికీ టచ్ పని చేస్తూనే ఉంటుంది.

OPPO K12x 5G స్మార్ట్‌ఫోన్ బేస్ వేరియంట్ 6GB RAMతో పాటు 128GB స్టోరేజ్‌ను అందిస్తుంది. ఈ-కామర్స్ ప్లాట్‌ఫామ్ ఫ్లిప్‌కార్ట్‌లో రూ. 12,999 ధరకుఅందుబాటులో ఉంది. అన్ని బ్యాంక్ కార్డ్‌ల ద్వారా చెల్లింపు చేస్తే కస్టమర్‌లు రూ. 1000 ఫ్లాట్ డిస్కౌంట్ పొందుతారు. అప్పుడు ఫోన్ ధర కేవలం రూ.11,999 మాత్రమే అవుతుంది. అలానే పాత ఫోన్‌ని ఎక్స్‌ఛేంజ్ చేసుకుంటే గరిష్టంగా రూ. 8,800 వరకు ఎక్స్చేంజ్ తగ్గింపు పొందవచ్చు. పాత ఫోన్ మోడల్, దాని పరిస్థితిని బట్టి దాని విలువ ఉంటుంది. ఈ ఫోన్ మిడ్‌నైట్ వైలెట్, బ్రీజ్ బ్లూ అనే రెండు కలర్ ఆప్షన్‌లలో లభిస్తుంది.

OPPO K12x 5G Specifications
Oppo స్మార్ట్‌ఫోన్ 120Hz రిఫ్రెష్ రేట్ సపోర్ట్ చేస్తుంది. 1000నిట్స్ పీక్ బ్రైట్‌నెస్‌తో 6.67-అంగుళాల డిస్‌ప్లేను కలిగి ఉంది. ఇది MediaTek డైమెన్సిటీ 6300 ప్రాసెసర్‌తో వస్తుంది. ఇందులో 360 డిగ్రీల డ్యామేజ్ ప్రూఫ్ డిజైన్, బలమైన బిల్డ్ క్వాలిటీ ఉంది. కేవలం 7.68mm మందంతో ఈ ఫోన్ మ్యాట్ ఫినిషింగ్‌తో ప్రీమియం లుక్‌ ఇస్తుంది. కెమెరా సెటప్ గురించి మాట్లాడితే వెనుక ప్యానెల్‌లో 32MP ప్రైమరీ, 2MP సెకండరీ కెమెరాతో డ్యూయల్ కెమెరా ఉంది. సెల్ఫీలు, వీడియో కాల్‌ల కోసం ఫోన్‌లో 8MP ఫ్రంట్ కెమెరా ఉంది. అలానే దాని 5100mAh కెపాసిటీ బ్యాటరీకి 45W SuperVOOC ఛార్జింగ్ సపోర్ట్ ఇవ్వబడింది.