Lava Yuva Star: రూ. 6 వేలలో స్మార్ట్‌ ఫోన్‌.. ఫీచర్లు కూడా మాములుగా లేవు ..!

Lava Yuva Star: ప్రస్తుతం స్మార్ట్‌ ఫోన్‌ వినియోగం అనివార్యంగా మారింది. ప్రతీ చిన్న పనికి చేతిలో స్మార్ట్‌ ఫోన్‌ ఉండాల్సిన పరిస్థితి. అయితే సాధారణ ఫోన్‌లతో పోల్చితే స్మార్ట్‌ ఫోన్‌ ధర ఎక్కువని ప్రత్యేకంగా చెప్పాల్సిన పనిలేదు. అయితే తక్కువ ధరలో స్మార్ట్‌ ఫోన్‌ కొనుగోలు చేయాలనుకుంటున్న వారి కోసం భారత్‌కు చెందిన స్మార్ట్‌ ఫోన్‌ తయారీ కంపెనీ లావా గుడ్‌ న్యూస్‌ చెప్పింది. కేవలం రూ. 6 వేలలోనే బెస్ట్‌ స్మార్ట్ ఫోన్‌ను తీసుకొచ్చింది. అయతే ఈ ఫోన్‌ 4జీ నెట్‌వర్క్‌కి సపోర్ట్‌ చేస్తుంది.

భారత్‌కు చెందిన స్మార్ట్‌ ఫోన్‌ తయారీ సంస్థ లావా భారత మార్కెట్లోకి కొత్త ఫోన్‌ను లాంచ్‌ చేసింది. లావా యువ స్టార్‌ పేరుతో తీసుకొచ్చిన ఈ 4జీ ఫోన్‌ 4జీబీ ర్యామ్‌, 64 జీబీ స్టోరేజ్‌ వేరియంట్‌ ధర రూ. 6,499గా నిర్ణయించారు. ఈ ఫోన్‌ ఫీచర్ల విషయానికొస్తే ఇందులో 6.75 ఇంచెస్‌తో కూడిన హెచ్‌డీ+ డిస్‌ప్లేను అందించారు. ఈ స్మార్ట్‌ ఫోన్‌లో యూనిసోక్‌ 9869ఏ ప్రాసెసర్‌ను అందించారు. ఇక ఎస్టీ కార్డు సహాయంతో ర్యామ్‌ను వర్చువల్‌గా మరో 4 జీబీ వరకు పెంచుకోవచ్చు. ఆండ్రాయిడ్ 14 ఆపరేటింగ్‌ సిస్టమ్‌తో ఈ ఫోన్‌ పని చేస్తుంది.

ఇక ఈ ఫోన్‌లో ఫ్రంట్ కెమెరా టాప్ పై వాటర్ డ్రాప్ నాచ్‌ను అందించారు. కెమెరా విషయానికొస్తే ఈ ఫోన్‌లో ఏఐ బ్యాక్డ్‌ ఫీచర్లతో కూడిన కెమెరాను అందించారు. ఎల్‌ఈడీ ఫ్లాష్ యూనిట్‌తో కూడిన 13 మెగాపిక్సెల్స్‌ రెయిర్‌ కెమెరా ఈ ఫోన్‌ సొంతం. అలాగే సెల్పీలు, వీడియో కాల్స్‌ కోసం ఇదులో 5 ఎంపీతో కూడిన ఫ్రంట్‌ కెమెరాను ఇచ్చారు. ఇక సెక్యూరిటీ కోసం ఇందులో సైడ్‌ మౌంటెడ్‌ ఫింగర్‌ ప్రింట్‌ సెన్సర్‌ను ఇచ్చారు.

ఇక బ్యాటరీ విషయానికొస్తే ఈ స్మార్ట్‌ ఫోన్‌లో 10 వాట్స్‌ వైర్డ్‌ ఛార్జింగ్‌కు సపోర్ట్‌ చేసే 5000 ఎంఏహెచ్‌ కెపాసిటీ గల బ్యాటరీని అందించారు. అలాగే కనెక్టివిటీ విషయానికొస్తే ఇందులో టైప్‌ సీ పోర్ట్‌ను ఇచ్చారు. 5జీ నెటవర్క్‌కి సపోర్ట్‌ చేయకపోయినా పర్లేదు.. తక్కువ ధరలో మంచి స్మార్ట్‌ ఫోన్‌ కావాలనుకునే వారికి ఇది బెస్ట్‌ ఆప్షన్‌గా చెప్పొచ్చు. ప్రస్తుతం రిటైల్ స్టోర్స్‌తో పాటు పలు ఈ కామర్స్‌ వెబ్‌సైట్స్‌లో ఈ ఫోన్‌ అందుబాటులో ఉంది.