Prepaid Plans: ఎయిర్‌టెల్ యూజర్లకు గుడ్‌న్యూస్.. అన్‌లిమిటెడ్ కాల్స్.. డైలీ 3జీబీ డేటా.. నెట్‌ఫ్లిక్స్ సబ్‌స్క్రిప్షన్‌‌తో కొత్త ప్రీపెయిడ్ ప్లాన్..!

Prepaid Plans: Jioకి పోటీగా Airtel రూ. 1,499 ప్రీపెయిడ్ ప్లాన్‌ను ప్రారంభించింది. ఇందులో, నెట్‌ఫ్లిక్స్ సబ్‌స్క్రిప్షన్ అపరిమిత వాయిస్ కాలింగ్, రోజువారీ 100 SMSలతోపాటు రోజువారీ 3GB డేటాతో అందుబాటులో ఉంటుంది. జియో ఇటీవల తన వినియోగదారుల కోసం నెట్‌ఫ్లిక్స్ సబ్‌స్క్రిప్షన్‌తో ప్రీపెయిడ్ ప్లాన్‌లను ప్రవేశపెట్టిన సంగతి తెలిసిందే.

Airtel రూ. 1,499 నెట్‌ఫ్లిక్స్ (బేసిక్) ప్లాన్ 84 రోజుల చెల్లుబాటుతో వస్తుంది. Netflix ప్రాథమిక ప్లాన్‌లో, ఒకేసారి ఒక డివైజ్‌లో మాత్రమే లాగిన్ చేయవచ్చు. కంటెంట్‌ను 720p వద్ద వీక్షించవచ్చు. నెట్‌ఫ్లిక్స్ ఖాతాను కంప్యూటర్, టీవీ, టాబ్లెట్ లేదా స్మార్ట్‌ఫోన్‌లో యాక్సెస్ చేయవచ్చు.

ప్లాన్ ప్రయోజనాలు..

మీరు నెట్‌ఫ్లిక్స్ (బేసిక్) ప్లాన్‌ను విడిగా తీసుకుంటే, దాని ధర నెలకు రూ. 199లు మాత్రమే. అదే సమయంలో, 84 రోజుల చెల్లుబాటుతో అపరిమిత కాలింగ్, రోజుకు 2.5GB డేటాతో Airtel ప్లాన్ ధర రూ.999. మీరు రెండు ప్లాన్‌లను విడివిడిగా కొనుగోలు చేస్తే, మీరు రూ. 1,596 చెల్లించాల్సి ఉంటుంది.

ఎయిర్‌టెల్ నెట్‌ఫ్లిక్స్ సబ్‌స్క్రిప్షన్ ప్లాన్ 84 రోజుల చెల్లుబాటుతో రూ. 1,499కి వస్తుంది. దీనితో మీరు రూ. 97ల వరకు ప్రయోజనం పొందుతారు. అలాగే ప్రతిరోజూ 500 MB అదనపు డేటాను కూడా పొందుతారు.

నెట్‌ఫ్లిక్స్ సబ్‌స్క్రిప్షన్‌తో జియో ప్లాన్‌లు..

నెట్‌ఫ్లిక్స్ సబ్‌స్క్రిప్షన్‌తో జియో ప్రీపెయిడ్ ప్లాన్‌లు రూ.1099, రూ.1499లో వస్తాయి. రూ.1099 ప్లాన్ 2GB రోజువారీ డేటా, నెట్‌ఫ్లిక్స్ మొబైల్ ప్లాన్‌తో వస్తుంది. అయితే రూ.1499 ప్లాన్‌లో 3GB రోజువారీ డేటా, నెట్‌ఫ్లిక్స్ బేసిక్ సబ్‌స్క్రిప్షన్ వస్తుంది. రెండు ప్లాన్‌ల వాలిడిటీ 84 రోజులు వస్తుంది.

5G వినియోగదారుల సంఖ్య..

ఎయిర్‌టెల్ గత నెలలో 5G సేవను 5 కోట్లకు పైగా వినియోగదారులను కలిగి ఉందని తెలిపింది. మనం జియో గురించి మాట్లాడినతే, అది మార్కెట్ లీడర్‌గా నిలిచింది. ఇది 7 కోట్లకు పైగా 5G వినియోగదారులను కలిగి ఉంది.